Alliance Air Flight Ticket: सर्वसामान्य लोकांना विमानाचा प्रवास हा परवडत नाही. कारण बस, रेल्वेपेक्षा विमानाच्या भाड्याचे दर जास्त असतात. पण अलायन्स एअरने (Alliance Air Flight) आपल्या प्रवाशांसाठी एक दिलासादायक बातमी दिली आहे. फक्त 100 रुपयांमध्ये अलायन्स एअर प्रवाशांना विमानाचे तिकीट देत आहे.
अलीकडच्या काळात वेगवेगळ्या एअरलाइन्स प्रवाशांसाठी अनेक आकर्षक ऑफर्स घेऊन येत आहेत. अलायन्स एअर प्रवाशांसाठी खास ऑफर घेऊन आली आहे. आता तुम्ही फक्त 100 रुपयांमध्ये विमानाने प्रवास करु शकता. तुमचा विश्वास बसणार नाही, पण खरे आहे. त्यात कोणत्याही अटी वा शर्ती नाहीत. जाणून घेऊयात अलायन्स एअरच्या या खास ऑफरबद्दल सविस्तर माहिती.
शिलाँग ते गुवाहाटी दरम्यान फक्त 100 रुपयांमध्ये विमान प्रवास
फ्लाइट बुकिंग साइट स्कायस्कॅनरवर अलायन्स एअर आपल्या प्रवाशांना शिलाँग ते गुवाहाटी दरम्यान फक्त 100 रुपयांमध्ये विमानाचे तिकीट देत आहे. वेगवेगळ्या फ्लाइट बुकिंग साइटवर ही किंमत 100 ते 400 रुपयांच्या दरम्यान आहे. दरम्यान, प्रवाशांना 100 रुपयांना विमान तिकीट मिळत आहे. त्याचवेळी, हेच तिकीट Happyfares वर 285 रुपये आणि Cleartrip वर 289 रुपयांना उपलब्ध होत असल्याची माहिती स्कायस्कॅनवर देण्यात आली आहे.
बसपेक्षा स्वस्त विमान प्रवास
शिलाँग ते गुवाहाटी दरम्यानचे अंतर हे 90 किमी आहे. जर तुम्हाला बसने हे अंतर कापायचे असेल, तर तुम्हाला यासाठी सुमारे 285 रुपये मोजावे लागतील. मात्र, अलायन्स एअरच्या या ऑफरमध्ये हा मार्ग अवघ्या 100 रुपयांमध्ये फ्लाइटने पूर्ण केला जात आहे.
महत्त्वाच्या बातम्या: