Weekly Horoscope 23 To 29 September 2024 : नवीन आठवडा सुरू होणार आहे. सप्टेंबरचा चौथा आठवडा काही राशींसाठी खास असणार आहे, तर काही राशींसाठी खडतर असणार आहे. सप्टेंबर महिन्याचा नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? तूळ, वृश्चिक, धनु, मकर, कुंभ आणि मीन या 6 राशींचे साप्ताहिक राशीभविष्य (Weekly Horoscope) जाणून घ्या.
तूळ रास (Libra Weekly Horoscope)
नवीन आठवडा तूळ राशीच्या लोकांसाठी शुभवार्ता घेऊन येईल. या काळात तुम्हाला अपेक्षेपेक्षा जास्त फायदा मिळेल. व्यवसायाशी संबंधित केलेले प्रवास शुभ आणि लाभदायक ठरतील. नोकरीत सहकाऱ्यांचं चांगलं सहकार्य लाभेल.
वृश्चिक रास (Scorpio Weekly Horoscope)
वृश्चिक राशीच्या लोकांसाठी नवीन संधीची दारं उघडतील. या आठवड्यात तुमच्या घरातील काही शुभ कार्य पूर्ण होऊ शकतात. तुम्हाला वडिलोपार्जित मालमत्ता मिळू शकते. तुम्ही व्यवसायाशी संबंधित एखादा मोठा निर्णय घेऊ शकता, ज्याचे भविष्यात चांगले परिणाम मिळतील.
धनु रास (Sagittarius Weekly Horoscope)
आजपासून सुरू होणारा नवा आठवडा धनु राशीच्या लोकांसाठी भाग्याचा असेल. या आठवड्यात तुमचा मान-सन्मान वाढेल. तुम्हाला एखाद्या धार्मिक स्थळाला भेट देण्याचे भाग्य लाभेल, ज्यामुळे तुमचा सन्मान आणि प्रतिष्ठा वाढेल. खाण्यापिण्याच्या सवयींची काळजी घ्या, अन्यथा पोटाशी संबंधित समस्या उद्भवू शकतात.
मकर रास (Capricorn Weekly Horoscope)
मकर राशीच्या लोकांसाठी हा आठवडा संमिश्र जाईल. या आठवड्यात तुमच्या मनात एखाद्या कामात नुकसानीची भीती राहील, परंतु तुमच्या गोष्टी पुन्हा रुळावर येताना दिसतील. नातेसंबंधांसाठी देखील आपण सकारात्मक राहावं आणि लोकांशी चांगले संबंध निर्माण करण्याचा प्रयत्न केला पाहिजे. जोडीदाराच्या आरोग्याबाबत मन चिंतेत राहील.
कुंभ रास (Aquarius Weekly Horoscope)
कुंभ राशीच्या लोकांसाठी नवीन आठवडा चांगला असणार आहे. या काळात तुमची नियोजित कामं पूर्ण होतील. वरिष्ठ आणि कनिष्ठांचं सहकार्य तुम्हाला लाभेल, त्यांच्या मदतीने तुम्ही तुमचं लक्ष्य वेळेवर पूर्ण करण्यात यशस्वी व्हाल. या आठवड्यात तुम्हाला प्रत्येक कामात विशेष लाभ मिळेल.
मीन रास (Pisces Weekly Horoscope)
मीन राशीच्या लोकांसाठी नवा आठवडा शुभ आणि फलदायी ठरेल. या आठवड्यात तुमच्या काही मोठ्या इच्छा पूर्ण होतील. तुमच्या प्रियजनांना भेटण्याची संधी तुम्हाला मिळेल. तुम्ही इतर लोकांकडे आकर्षित होऊ शकता. वैवाहिक जीवनात आनंद राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
Vastu Tips : जुन्या कपड्यांनी लादी पुसणं पडेल महागात; गरिबी येईल चालून, शास्त्र सांगते...