Vinayak Chaturthi 2025 : हिंदू पंचांगानुसार, हिंदू धर्मात गणपतीला (Lord Ganesha) प्रथम पूजनिय देवाचा दर्जा आहे. कोणत्याही शुभ कार्याची सुरुवात आपण गणेशाच्या पूजनानेच करतो. त्यानुसार लाडक्या गणरायाला संकष्टी आणि विनायक चतुर्थी तिथी समर्पित आहे. त्यानुसार आज मार्गशीर्ष महिन्याच्या शुक्ल पक्षातील विनायक चतुर्थी (Vinayak Chaturthi) आहे. या दिवशी गणेशाची विधिवत पूजा केल्याने शुभ फळ मिळते आणि घरात सुख-समृद्धी नांदते अशी मान्यता आहे. त्यानुसार विनायक चतुर्थीची तिथी, मुहूर्त आणि पूजा विधी जाणून घेऊयात.
विनायक चतुर्थी तिथी आणि मुहूर्त (Vinayak Chaturthi Tithi and Shubh Muhurta 2025)
पंचांगानुसार, मार्गशीर्ष महिन्याच्या शुक्ल पक्षातील चतुर्थी तिथीची सुरुवात 23 नोव्हेंबर 2025 रोजी संध्याकाळी 7 वाजून 24 मिनिटांनी सुरु झाली. आणि 24 नोव्हेंबरचा रात्री 9 वाजून 22 मिनिटांनी ही तिथी समाप्त होणार आहे.
मात्र, आजच्या दिवशी भद्राचं सावट देखील असणार आहे. त्यानुसार, भद्रा काळ सकाळी 8.25 मिनिटांपासून ते रात्री 9.22 पर्यंत असणार आहे. मात्र, भद्राचा वास पाताळात असणार आहे. ज्योतिष शास्त्रानुसार, भद्राचा वास जेव्हा पाताळ लोकात असतो तेव्हा कोणत्याच शुभ कार्यावर कोणताच नकारात्मक प्रभाव होत नाही. त्यामुळे आजच्या दिवशी शुभ कार्यात कोणताच अडथळा येणार नाही.
विनायक चतुर्थी पूजा पद्धत (Vinayak Chaturthi Puja 2025)
आजच्या दिवशी सकाळी लवकर उठून स्नान करुन स्वच्छ कपडे परिधान करावेत. यानंतर चौरंगावर गणेशाची मूर्ती किंवा प्रतिमा स्थापित करा, यानंतर शुभ मुहूर्तावर विधीनुसार गणेशाची पूजा करा. श्रीगणेशाची मूर्ती समोर ठेवून जलाभिषेक करावा. पूजेदरम्यान गणपतीला दुर्वा, फुलं, कुंकू अर्पण करा. देवासमोर दिवा आणि अगरबत्ती लावा. गणपतीला मोदक आणि दुर्वा गवत खूप आवडतात असं म्हणतात, त्यामुळे चतुर्थीला मोदक बनवणं शुभ मानलं जातं. गणपतीला मोदकांचा प्रसाद दाखवून शेवटी श्रीगणेशाची आरती करून घरातील सर्व सदस्यांना प्रसाद वाटप करा.
विनायक चतुर्थीला करा 'हे' उपाय (Vinayak Chaturthi Upay 2025)
- कुटुंबाच्या प्रगतीसाठी आणि समृद्धीसाठी विनायक चतुर्थीच्या दिवशी उंदरावर बसलेल्या गणेशाची मूर्ती किंवा चित्राची पूजा करा, याने तुमच्या सर्व मनोकामना पूर्ण होतील.
- गणपतीला मोदक अतिशय प्रिय आहेत, त्यामुळे कोणतीही विशेष इच्छा पूर्ण करण्यासाठी विनायक चतुर्थीच्या दिवशी गणपतीला मोदक अर्पण करा. यामुळे तुमची इच्छा नक्कीच पूर्ण होईल.
- गणपतीला मोदकाशिवाय दुर्वाही आवडतात. विनायक चतुर्थीच्या दिवशी पूजेच्या वेळी 'इदं दुर्वदलं ॐ गं गणपतये नमः' हा मंत्र म्हणत गणपतीला 5 किंवा 21 गाठी दुर्वा अर्पण करा.
- विनायक चतुर्थीच्या दिवशी पूजेच्या वेळी गणपतीला लाल सिंदूर तिलक लावा आणि स्वतःलाही तिलक लावा.
- या दिवशी पूजा करताना श्रीगणेशाला शमीची पानं अर्पण करा, यामुळे श्रीगणेश प्रसन्न होतील आणि तुमच्या मनोकामना पूर्ण होतील.
हे ही वाचा :