Vastu Tips : वास्तुशास्त्रानुसार (Vastu Shashtra), घरात ठेवलेल्या प्रत्येक वस्तूमध्ये ऊर्जा असते. याचा घरातील सदस्यांवर सकारात्मक आणि नकारात्मक अशा दोन्ही प्रकारे परिणाम होतो. आपल्या काही चुकांमुळे घरामध्ये वास्तुदोष आढळतो. या वास्तुदोषामुळे घरात नेहमी वाद, भांडणे आणि कलह राहतो, आर्थिक समस्या घरात राहतात. वास्तुदोषामुळे घरात भांडणे किंवा कुटुंबातील सदस्य आजारी राहतो. वास्तुचे काही उपाय केल्याने घरातील संकटे दूर होतात. असे केल्याने घरात सुख-शांती नांदते. वास्तुशी संबंधित या उपायांबद्दल जाणून घ्या. (Vastu Tips)
घरातील कलह दूर करण्यासाठी वास्तु उपाय
-वास्तू दोषांच्या समस्येपासून मुक्ती मिळवण्यासाठी घराच्या मुख्य दरवाजावर काही उपाय करावेत. घराची वास्तू बरोबर ठेवण्यासाठी दररोज सकाळी घराच्या मंदिरात धूप जाळा.
-थोड्या पाण्यात हळद मिसळा आणि हे पाणी घराच्या मुख्य दरवाजावर शिंपडा. यानंतर, दरवाजाच्या दोन्ही बाजूंनी स्वच्छ पाणी प्रवाहित करा. असे केल्याने घरातील नकारात्मक शक्तींचा प्रभाव कमी होतो आणि घरात सकारात्मक ऊर्जा संचारते.
-मुख्य दरवाजावर हळदीचे पाणी शिंपडल्याने वास्तुदोष दूर होतात. घर नेहमी स्वच्छ ठेवा. ज्या घरात अस्वच्छता असते त्या घरात देवी लक्ष्मी कधीच राहत नाही.
-घरामध्ये वारंवार भांडणे होत असतील तर रात्री झोपण्यापूर्वी पितळी भांड्यात कापूर जाळून संपूर्ण घराला दाखवा. कापूरच्या या उपायाने घरगुती संकटे नष्ट होतात आणि घरात शांती राहते.
-पती-पत्नीमध्ये भांडण होत असेल तर रात्री झोपताना उशीखाली कापूर ठेवा आणि सकाळी जाळून टाका. यानंतर त्याची राख वाहत्या पाण्यात वाहू द्या. हा उपाय केल्याने शांती राहते आणि पती-पत्नीमध्ये प्रेम वाढते.
-घरातील कलह दूर करण्यासाठी घरमालकाने पिंपळाच्या झाडाची पूजा करावी. घराजवळ पिंपळाचे रोप लावून त्याची सतत काळजी घेतली पाहिजे. यामुळे घरातील सदस्यांवर देवी-देवतांची कृपा राहते.
वास्तूमध्ये घराच्या प्रत्येक कोपऱ्याला महत्त्व
व्यक्तीच्या आयुष्यात कधी कधी अशा अडचणी येतात. ज्यातून बाहेर पडणे अशक्य वाटते. कधी कधी घरातील वास्तुदोषामुळेही असे होते. वास्तुशास्त्रात असे अनेक उपाय सांगितले आहेत, ज्याचा अवलंब केल्याने जीवनात सुख, समृद्धी येऊ शकते. वास्तूमध्ये घराच्या प्रत्येक कोपऱ्याला आणि घरात ठेवलेल्या प्रत्येक वस्तूला विशेष महत्त्व आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या