Vastu Tips : घरात झाडं-झुडपं लावणं आरोग्यासाठी फार लाभदायी मानलं जातं. वास्तुशास्त्रानुसार (Vastu Tips), घरात रोपं लावल्याने आपल्या आयुष्यात सकारात्मकता येते. पण, काही रोपं अशी असतात ज्यांना घरात लावल्याने नकारात्मक ऊर्जेचा वावर होतो. अशी रोपं लावणं अशुभ मानलं जातं. जाणून घेऊयात वास्तुशास्त्रानुसार घरामध्ये कोणती रोपे लावावीत आणि कोणती लावू नयेत.
घरात झाडं लावण्याचा अर्थ
घराच्या आत म्हणजे घराच्या मध्यभागी अंगण किंवा घराचा व्हरांडा, प्लॉटचा आकार मोठा असल्यास बाहेर मोठी झाडे लावता येतात. अशी झाडे शुभ मानली जातात, जर ती घराबाहेर योग्य दिशेला असतील तर ती झाडे शुभ असतात.
घरी उगवलेले प्रत्येक पिंपळाचे झाड अशुभ नसते
पिंपळाच्या झाडाला 1000 पेक्षा कमी पानं असतील तर ते झाडाच्या श्रेणीत येते. अशा परिस्थितीत जर ते योग्य ठिकाणी नसेल तर ते काढून टाका आणि दुसऱ्या ठिकाणी लावा. पण, जर एखाद्या पिंपळाच्या झाडाला 1000 पेक्षा जास्त पाने असतील तर ते काढू नका.
पूर्व दिशेला कधीही पिंपळ लावू नका
पूर्वेला लावलेल्या पिंपळाच्या झाडामुळे रहिवाशांच्या मनात भूत-प्रेतांची भीती निर्माण होते आणि झाड जसजसे वाढत जाते, तसतसे घरात आर्थिक विवंचना निर्माण होते. जर काटेरी आणि दुधाची झाडे तोडता येत नसतील तर त्यांच्या जवळ शुभ वृक्ष लावावेत. घराच्या आजूबाजूला काटेरी झाडे असतील तर शेजारी राहणाऱ्या लोकांशी वाद होण्याची भीती असते.
तुळशीचे रोप कोणत्या दिशेला लावावे?
ब्रह्मवैवर्त पुराणानुसार, घरामध्ये लावलेली तुळस मानवासाठी हितकारक आहे. तुळशीचे रोप घरात सकारात्मक ऊर्जा निर्माण करण्याबरोबरच धन आणि पुत्र प्राप्तीचा संकेत देते. सकाळी उठल्यावर तुळशीचे दर्शन घेतल्याने मनात धार्मिक भावना निर्माण होते. त्याचबरोबर भविष्य पुराणात सांगितले आहे की, घराच्या दक्षिण दिशेला तुळशीचे झाड लावू नये, अन्यथा गुडघेदुखी, पाठदुखी यांसारख्या शारीरिक समस्या वाढू शकतात.
घरात कोणती झाडे लावू नयेत?
दुधाची झाडे पैशांशी संबंधित समस्या वाढवतात तसेच, फळझाडे मुलांसाठी काही समस्या निर्माण करतात. वास्तुशास्त्रानुसार त्यांच्या लाकडाचा वापरही घरात करू नये. घराच्या आजूबाजूला काटेरी, दुधाळ आणि फळांच्या झाडांमुळे महिला आणि मुलं दोघांनाही त्रास होतो.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर महत्त्वाच्या बातम्या :