Mars Transit in Pisces 2024 : ज्योतिषशास्त्रात मंगळ हा धैर्य आणि शौर्याचा कारक मानला जातो. नऊ ग्रहांपैकी मंगळ ग्रहाला (Mars) सेनापतीचा दर्जा आहे. मंगळ हा स्वभावाने अत्यंत हिंसक, रौद्र ग्रह मानला जातो. मंगळवार, 23 एप्रिल रोजी मंगळ कुंभ राशीतून बाहेर पडून मीन राशीत प्रवेश करणार आहे. मीन राशीतील मंगळाचे संक्रमण सर्व 12 राशीच्या लोकांवर परिणाम करेल. पण, मंगळाचे संक्रमण काही राशींसाठी खूप अशुभ परिणाम देऊ शकते. या राशींवर मंगळाचा मोठा प्रभाव पडू शकतो. कोणत्या राशींसाठी मंगळ नकारात्मक परिणाम देऊ शकतो ते जाणून घेऊ.
मेष रास (Aries Horoscope)
मेष राशीच्या लोकांसाठी मंगळाचे संक्रमण अशुभ आहे. या राशीच्या लोकांच्या खर्चात वाढ होणार आहे. आर्थिक नुकसानही होऊ शकते. तुम्ही मानसिकदृष्ट्या अस्वस्थ राहाल. याशिवाय शत्रू त्रास देऊ शकतात. आरोग्याशी संबंधित समस्या असू शकतात. घरात भाऊ-बहीण किंवा जवळच्या मित्राशी वाद होऊ शकतो. तुमच्या बोलण्यात आक्रमकता राहील ज्यामुळे नुकसान होईल.
कर्क रास (Aquarius Horoscope)
मंगळाच्या राशीत बदलामुळे कर्क राशीच्या लोकांना वारंवार प्रवास करावा लागेल. तुमच्या संभाषणात आणि दृष्टिकोनातील बदलामुळे लोकांमध्ये तुमची प्रतिमा खराब होईल. धर्म आणि अध्यात्मात रुची वाढेल.
सिंह रास (Leo Horoscope)
मंगळाचे संक्रमण सिंह राशीच्या लोकांसाठी आव्हानात्मक काळ आणेल. तुमचे खर्च वाढतील. अनावश्यक सहलीलाही जावे लागू शकते. तुमचा आत्मविश्वास कमी असेल, ज्यामुळे तुम्ही द्विधा आणि तणावात राहाल. नीट विचार करूनच महत्त्वाचे निर्णय घ्या. वाद आणि आक्रमकता टाळा.
वृश्चिक रास (Scorpio Horoscope)
या राशीच्या लोकांच्या मनात निराशेची भावना निर्माण होऊ शकते. तुमच्या प्रगतीचा वेग मंदावेल. ही वेळ संयमाने घ्या. तसेच राग टाळा. धूम्रपान, मद्यपानाचं सेवन टाळा आणि अनावश्यक बोलू नका.
मीन रास (Pisces Horoscope)
मंगळ आपली राशी बदलून मीन राशीत प्रवेश करणार आहे. मीन राशीत मंगळाच्या संक्रमणामुळे तुमच्या सहकाऱ्यांशी वाद होऊ शकतात. लाईफ पार्टनर किंवा बिझनेस पार्टनरशी संबंध बिघडू शकतात. रागावर थोडं नियंत्रण ठेवावं लागेल. नवीन व्यवसाय सुरू करण्याचा विचार करत असाल तर काळजीपूर्वक काम करा.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: