Taurus Weekly Horoscope 27 May to 2 June 2024 : दू कॅलेंडरनुसार, मे महिन्यातला (May Month) तिसरा आठवडा आता सुरू होत आहे. हा नवीन आठवडा वृषभ राशीसाठी नेमका कसा असणार आहे? करिअर, शिक्षण, लव्ह लाईफ आणि आरोग्याच्या दृष्टीने नवीन आठवडा वृषभ राशीसाठी लाभदायी असणार आहे की नाही? हे जाणून घेण्यासाठी वृषभ राशीचे साप्ताहिक राशीभविष्य (Weekly Horoscope) जाणून घ्या.
वृषभ राशीचे लव्ह लाईफ (Taurus Love Horoscope)
वृषभ राशीच्या लोकांसाठी नवीन आठवड्याची सुरुवात चांगली असणार आहे. तुमच्या जोडीदाराबरोबरचे तुमचे संबंध अधिक दृढ होताना दिसतील. तसेच, जसजसा आठवडा सरत जाईल तसतसे तुमच्या नात्यात अनेक आव्हानं निर्माण होताना दिसतील. जे तरूण सिंगल आहेत त्यांनी काही काळजी करण्याची गरज नाही. तुम्हाला लवकरच तुमच्या मनासारखा जोडीदार मिळेल.
वृषभ राशीचे करिअर (Taurus Career Horoscope)
वृषभ राशीच्या महिला आपलं करिअर आणि घर दोन्हींचा बॅलेन्स उत्तमपणे सांभाळताना दिसतील. तुम्ही घेतलेल्या मेहनतीला चांगलं यश मिळेल. तसेच, कामाच्या ठिकाणी देखील तुम्हाला सहकाऱ्यांचा चांगला सहवास लाभेल. सहकाऱ्यांच्या मदतीने तुमची अनेक रखडलेली कामे पूर्ण होतील. तसेच, या आठवड्यात तुमच्या बॉसकडून तुमच्यावर महत्त्वाची जबाबदारी सोपविण्यात येईल. ती जबाबदारी तुम्ही पूर्ण प्रामाणिकपणे पार पाडणं गरजेचं आहे.
वृषभ राशीचे आर्थिक जीवन (Taurus Wealth Horoscope)
वृषभ राशीच्या लोकांची आर्थिक स्थिती पाहता तुमचा नवीन आठवडा काहीसा खर्चिक असू शकतो. आठवड्याच्या सुरुवातीला तुम्हाला अनावश्यक खर्चाला सामोरं जावं लागेल. त्यामुळे पैशांची किंमत जाणून पैसे खूप जपून वापरण्याचा प्रयत्न करा. ज्या गोष्टी तुम्हाला सध्या नकोयत त्यांची खरेदी न केलेलीच बरी. थोडक्यात, योग्य वेळी योग्य त्या गोष्टीसाठी पैसे खर्च करा. आणि पैशांची बचतही करा.
वृषभ राशीचे आरोग्य (Taurus Health Horoscope)
वातावरणातील बदल पाहता तुम्ही तुमच्या आरोग्याची जास्त काळजी घेणं गरजेचं आहे. तसेच, विनाकारण घराबाहेर पडू नका. यामुळे तुम्हाला उन्हाचा त्रास होऊ शकतो. ज्यांना दम्याचा त्रास आहे त्यांनीदेखील काळजी घेणं गरजेचं आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: