Taurus Weekly Horoscope 17 To 23 March 2024 : राशीभविष्यानुसार, वृषभ राशीसाठी हा आठवडा शुभ परिणाम घेऊन आला आहे. या आठवड्यात तुम्हाला नोकरीत प्रगतीच्या संधी मिळतील. तुमची लव्ह लाईफ उत्तम राहील. नवीन आठवड्यात तुमच्यावर नवीन जबाबदाऱ्या पडू शकतात. या आठवड्यात तुमची आर्थिक स्थिती देखील चांगली असेल. एकूणच वृषभ राशीच्या लोकांसाठी हा आठवडा व्यवसाय, आरोग्य, नातेसंबंध आणि प्रेमासाठी किती खास असणार आहे? वृषभ राशीचे साप्ताहिक राशीभविष्य (Weekly Horoscope) जाणून घ्या.
वृषभ राशीची लव्ह लाईफ (Taurus Love Horoscope)
तरुणांनी या आठवड्यात त्यांच्या जोडीदाराशी हुशारीने वागावं. तुमच्या जोडीदाराला काय हवं, काय नको त्याकडे लक्ष द्या आणि नवीन आठवड्यात रोमँटिक राहा. तुम्ही सुट्टी घेऊन कुठेतरी छान ठिकाणी फिरायला जाण्याचा विचार करू शकता. तुम्ही तुमच्या प्रियकराला कुटुंबाशी भेटवू शकता. काही मुलींच्या प्रेमसंबंधांना या आठवड्यात घरातून मान्यता मिळेल. तुमच्या आधीच्या प्रियकरासोबत संपर्क ठेवून तुम्ही सध्याच्या नात्यात अडथळे आणू नका. सिंगल असलेल्यांना या आठवड्यात प्रेमात पडावसं वाटेल.
वृषभ राशीचे करिअर (Taurus Career Horoscope)
ऑफिसमध्ये या आठवड्यात तुम्हाला नवीन जबाबदाऱ्या मिळतील. तुम्ही ऑफिसमधील गॉसिप्सपासून दूर राहा आणि कामावर लक्ष केंद्रित करा. कार्यालयीन राजकारणात पडू नका, यामुळे तुमचे मॅनेजमेंटशी असलेले संबंध खराब होऊ शकतात. त्यामुळे तुमच्या कामाशी एकनिष्ठ राहा. तुमच्या कामामुळे तुम्हाला चांगली पगारवाढ मिळेल. कामाच्या निमित्ताने काहींना या आठवड्यात परदेशात जावं लागू शकतं. परीक्षेला बसलेले विद्यार्थी चांगल्या गुणांनी परीक्षा उत्तीर्ण होतील.
वृषभ राशीची आर्थिक स्थिती (Taurus Wealth Horoscope)
या आठवड्यात तुम्हाला पैशाच्या बाबतीत थोडं शहाणं व्हावं लागेल. तुम्ही कितीही समृद्ध असाल तरी तुम्हाला चैनीच्या वस्तू खरेदी करणं टाळावं लागेल. तुमची आर्थिक स्थिती चांगली असल्याने तुम्ही लांब कुठेतरी फिरायला जाण्याचा विचारही करू शकता. पण त्याआधी चांगलं आर्थिक नियोजन करायला विसरू नका. या आठवड्यात तुमचा व्यवसाय चांगला चालेल आणि त्यामुळे तुम्ही चांगला नफा कमवाल, पैशाची आवक वाढेल.
वृषभ राशीचे आरोग्य (Taurus Health Horoscope)
या आठवड्यात कोणतंही साहसी काम करताना काळजी घ्या. आठवड्याची सुरुवात आरोग्याच्या दृष्टीने तुमच्यासाठी चांगली नसेल. तुम्ही दारू आणि तंबाखू दोन्ही सोडू शकता, तरच तुमचं आरोग्य येत्या काळात चांगलं राहील. या आठवड्यात तुम्ही तेलकट पदार्थ खाणं सोडा. निरोगी राहण्यासाठी फळं आणि भाज्यांवर जोर द्या.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :