Shah Rukh Khan Birthday Astrology : नुकत्याच प्रदर्शित झालेल्या जवान (Jawan) या चित्रपटाचा नायक शाहरुख खान (Shahrukh Khan 2023) गेली 30 वर्षे बॉलिवूडवर राज्य करत आहे. 33 वर्षांपूर्वी मुंबईच्या समुद्र किनाऱ्यावर एका 25 वर्षाच्या तरुणाने आपले दोन्ही हात पसरून एक दिवस या चंदेरी नगरीवर राज्य करणार अशी इच्छा व्यक्त केली होती, त्यावेळी त्याच्या जन्मकुंडलीत मूलत्रिकोण राशीत बसलेल्या शनिने त्याचे स्वप्न पूर्ण केले. ज्योतिषशास्त्रानुसार संपूर्ण 19 वर्षे त्याला शनिची कृपा लाभली, ज्यामुळे शाहरुखला आज बॉलिवूडचा बादशाह म्हटंले जात आहे.



जन्म आणि बालपण - शाहरुखच्या कुंडलीत, कलेचा कारक शुक्र विराजमान



शाहरुख खानचा जन्म 2 नोव्हेंबर 1965 रोजी सकाळी 6.25 वाजता नवी दिल्ली येथे झाला. याबाबत शाहरुखने त्यांनी स्वत: ट्विटरवर जन्माची वेळ जाहीर केली होती. शाहरुखचे बालपण राजेंद्र नगर, नवी दिल्ली येथे गेले. शाहरुखचे लहानपणी खेळाडू बनण्याचे स्वप्न होते, पण खांद्याच्या दुखापतीमुळे ते स्वप्न अधुरेच राहिले आणि वडिलांच्या निधनानंतर ती पोकळी भरून काढण्यासाठी तो अभिनयाकडे वळला. शाळा-कॉलेजमध्ये मिमिक्री आणि ड्रामा करायला सुरुवात केली. त्याने नॅशनल स्कूल ऑफ ड्रामामधून अभिनयाचा डिप्लोमाही केला आहे. त्याच्या कुंडलीत, कलेचा कारक शुक्र हा चढत्या राशीपासून तिसऱ्या घरात विराजमान आहे, ज्यामुळे त्याला उच्चस्तरीय अभिनय कौशल्य प्राप्त झाले.


शिक्षण आणि करिअर


शाहरुख खानने मास कम्युनिकेशनमध्ये पदव्युत्तर पदवी घेतली आहे. पाचव्या घरात बसलेल्या शनिवर तृतीय स्वामी गुरूची दृष्टी आहे. जो त्याच्या अभ्यासाचे स्वरूप दर्शवितो. शिक्षणानंतर त्याने नाटकांमध्ये काम करायला सुरुवात केली. जानेवारी 1989 मध्ये त्यांचे पहिले नाटक फौजी टेलिव्हिजनवर आले. त्यानंतर जून 1992 मध्ये 'दिवाना' या चित्रपटातून शाहरुखच्या फिल्मी करिअरला सुरुवात झाली, जी आजतागायत सुरू आहे.



भाग्य घरात बसलेल्या शुक्र ग्रह तसेच गुरूच्या दृष्टीमुळे तसेच 2006 पासून सुरू झालेली फिल्मी कारकीर्द खूप यशस्वी होण्यामागे शनिची कृपा झाली. तृतीयेश गुरू आणि योगकार शनी यांनी शाहरुखला कठोर परिश्रमशील आणि गंभीर अभिनेता बनवण्यात कोणतीही कसर सोडली नाही. त्यानंतर दशमाचा स्वामी चंद्र, जो कलात्मक ग्रह आहे, तो करिअरमध्ये यशाची हमी देतो.


शाहरुख खानचे भविष्य


सध्या शाहरुख खान शनीच्या महादशामधून जात आहे. शनि, सध्या पाचव्या घरात मूलत्रिकोण राशीत बसला आहे, शुभ ग्रह गुरूची दृष्टी त्यावर आहे. ज्यामुळे हा काळ चांगला दर्शवित आहे. ऑक्टोबर 2025 पासून बुधाचा काळ सुरू होईल. बुध हा नववा आणि बारावा स्वामी आहे, जो शत्रू राशीमध्ये असून द्वादश स्थानी उत्तम असेल. ज्यामुळे निद्रानाश, मानसिक त्रास, बंधन आणि नुकसान दर्शवते. अशा स्थितीत त्यांनी बुध ग्रहाला शांत करावे. जेणेकरून ते नवमेश म्हणून काम करेल आणि शाहरुखचे सौभाग्य अखंडित राहील.


(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)


हेही वाचा: 


November Numerology 2023 : 'या' जन्मतारखेच्या लोकांची नोव्हेंबरमध्ये लॉटरी लागणार! पैशाच्या समस्या क्षणार्धात सुटतील