Astrology Raksha Bandhan 2024 : यंदा रक्षाबंधन 19 ऑगस्टला आहे. ज्योतिषशास्त्रानुसार, या दिवशी (Raksha Bandhan 2024) अनेक ग्रहांच्या चाली बदलत आहेत, ज्याचा परिणाम सर्व राशींवर होईल. 5 राशीच्या लोकांसाठी रक्षाबंधनाचा (Raksha Bandhan 2024) दिवस शुभ ठरणार आहे. या राशींचे लोक रक्षाबंधनाला नवीन कार, घर इत्यादी खरेदी करू शकतात. त्यांना जुन्या कर्जातून देखील मुक्ती मिळू शकते आणि त्यांची आर्थिक स्थिती मजबूत होऊ शकते. रक्षाबंधनाच्या दिवशी नेमक्या कोणत्या राशींचं नशीब पालटणार? जाणून घेऊया.
रक्षाबंधन या राशींसाठी ठरणार भाग्याचे (Raksha Bandhan 2024 Lucky Zodiacs)
मेष रास (Aries)
मेष राशीच्या लोकांसाठी रक्षाबंधनाचा दिवस शुभ ठरू शकतो. या दिवशी तुमची आर्थिक स्थिती मजबूत होईल. रक्षाबंधनाच्या निमित्ताने तुम्ही केलेली गुंतवणूक तुमच्यासाठी फायदेशीर ठरू शकते. ज्यांना नवीन व्यवसाय सुरू करायचा आहे, त्यांच्यासाठी रक्षाबंधनाचा दिवस शुभ आहे. रक्षाबंधनाचा सण तुमच्यासाठी नवीन संधी घेऊन येईल, तुम्हाला प्रत्येक कामात यश मिळेल आणि नोकरीत पदोन्नती मिळू शकेल.
सिंह रास (Leo)
रक्षाबंधनाला सिंह राशीच्या लोकांची आर्थिक स्थिती मजबूत येईल. तुमच्यावर असलेल्या जुन्या कर्जातून तुम्हाला मुक्ती मिळेल. बँकेच्या कर्जाची परतफेड झाल्याने तुम्हाला मानसिक शांती मिळेल. हा दिवस तुमच्या आयुष्यात आनंद घेऊन येईल. वैवाहिक जीवनासाठी काळ आनंददायी राहील. तुम्ही जोडीदारासोबत चांगला वेळ घालवाल. या दिवशी तुमचा मान आणि प्रतिष्ठा वाढण्याची अपेक्षा आहे.
वृश्चिक रास (Scorpio)
रक्षाबंधनाचा दिवस वृश्चिक राशीच्या लोकांसाठी प्रगतीचा ठरू शकतो. या दिवशी गुंतवणूक केल्यास तुम्हाला चांगला आर्थिक लाभ होईल. तुमची आर्थिक स्थिती पूर्वीपेक्षा मजबूत होईल. गुंतवणूक किंवा व्यवसायाशी संबंधित कोणताही मोठा निर्णय घ्यायचा असेल तर वेळ योग्य असेल. तुम्हाला नशिबाची पूर्ण साथ मिळेल. रक्षाबंधनाच्या तुम्ही जे कोणतं काम कराल, त्यात तुम्हाला यश मिळू शकेल.
धनु रास (Sagittarius)
धनु राशीचे लोक रक्षाबंधनाच्या दिवशी नवीन कार किंवा नवीन घर खरेदी करू शकतात. अशा प्रकारे तुम्ही हा दिवस संस्मरणीय बनवू शकता. या दिवशी तुमची कीर्ती आणि वैभव वाढेल, तुमचं मन प्रसन्न राहील. तुमच्या जोडीदारासोबत तुमचा वेळ चांगला जाईल. अचानक आर्थिक लाभ होण्याचीही शक्यता आहे. सामाजिक कार्यात तुम्हाला रस राहील.
मीन रास (Pisces)
रक्षाबंधनाचा सण तुमच्यासाठी नवीन संधी घेऊन आला आहे. या दिवशी तुमचे अडकलेले पैसे तुम्हाला परत मिळू शकतात. अचानक आर्थिक लाभामुळे आर्थिक स्थिती सुधारेल. या दिवशी तुम्ही कुठेही गुंतवणूक करण्याचं ठरवलं तर ते तुमच्यासाठी फायदेशीर ठरू शकतं. तुम्ही तुमच्या कामात यशस्वी व्हाल. तुमच्या शत्रूंवर तुमचा प्रभाव राहील. गुप्त शत्रूही शांत राहतील. तुमची तब्येत चांगली राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :