Pisces Weekly Horoscope 07 To 13 October 2024 : हिंदू कॅलेंडरनुसार, ऑक्टोबर महिन्यातील पहिला आठवडा संपत आला आहे. लवकरच नवीन आठवड्याला सुरुवात होणार आहे. हा नवीन आठवडा मीन राशीसाठी नेमका कसा असणार आहे? मीन राशीचं करिअर, शिक्षण, लव्ह लाईफ आणि आरोग्याच्या दृष्टीने नवीन आठवडा मीन राशीसाठी लाभदायी असणार आहे की नाही? हे जाणून घेण्यासाठी मीन राशीचे साप्ताहिक राशीभविष्य (Weekly Horoscope) जाणून घ्या.
मीन राशीची लव्ह लाईफ (Pisces Love Life Horoscope)
एप्रिल महिन्यात तुमच्या लव्ह लाईफमध्ये किरकोळ समस्या येतील. तुमच्या प्रियकरासोबत डेटवर जा, एकत्र चांगला वेळ घालवा. पण भूतकाळातील गोष्टींमुळे नात्यातील अडचणी वाढू देऊ नका. तुमच्या जोडीदाराला पर्सनल स्पेस द्या. तुमचे विचार जोडीदारावर लादू नका. विवाहितांनी ऑफिसमध्ये लफडी करू नये, तुम्ही आपल्या जोडीदारासोबत प्रामाणिक राहायला हवं.
मीन राशीचे करिअर (Pisces Career Horoscope)
नोकरी-व्यवसायात प्रगतीसाठी नवीन संधींवर लक्ष ठेवा. नवीन आठवड्यात व्यावसायिक जीवनात आव्हानं वाढतील. व्यवसायात चढ-उतार येतील. टीमवर्कवर लक्ष केंद्रित करा. संयम राखा. आव्हानात्मक कामं हाताळण्यासाठी वरिष्ठांची मदत घ्या. महिला या आठवड्यात कार्यालयीन राजकारणाच्या बळी ठरू शकतात. नकारात्मकतेपासून दूर राहा आणि चांगलं काम करा. व्यवसायात कोणतीही मोठी जोखीम घेऊ नका. सर्व कामं हुशारीने हाताळा. जे लोक नोकरीच्या शोधात आहेत त्यांना या आठवड्यात इंटरव्ह्यूसाठी कॉल येऊ शकतो.
मीन राशीची आर्थिक स्थिती (Pisces Wealth Horoscope)
या आठवड्यात तुम्हाला उत्पन्नाचे नवे स्रोत मिळतील. दीर्घकाळापासून थकीत असलेले पैसे परत मिळतील. व्यावसायिकांना व्यवसाय वाढवण्यासाठी अनेक ठिकाणाहून निधी मिळेल. काही महिला शेअर बाजार किंवा नवीन व्यवसायात विचारपूर्वक गुंतवणूक करू शकतात, यामुळे भविष्यात चांगला परतावा मिळेल.
मीन राशीचे आरोग्य (Pisces Health Horoscope)
या आठवड्यात तुमचं आरोग्य सामान्य राहील. तरी, महिलांना स्त्री रोग किंवा तापाशी संबंधित आजार होतील. काही लोकांना अल्सरची समस्या जाणवेल. तुम्ही भरपूर पाणी प्या आणि प्रथिनेयुक्त पदार्थ खा.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :