Numerology: अनेकदा आपण पाहतो. अशी काही लोक असतात, ज्यांच्याकडे भरपूर पैसा असतो, भरपूर संपत्ती असते, मात्र काही कारणास्तव ते त्याचा उपभोग जास्त काळ घेऊ शकत नाही, तसं पाहायला गेलं तर प्रत्येक व्यक्तीला आयुष्यात भरपूर संपत्ती कमवायची असते, जेणेकरून तो आणि त्याचे कुटुंब आरामदायी जीवन जगू शकतील. अंकशास्त्रानुसार, विशिष्ट तारखेला जन्मलेले लोक पैसे कमवूनही ते त्याचा उपभोग घेऊ नाहीत. काही लोक जन्मापासूनच श्रीमंत जन्माला येतात. अगदी तोंडात चांदीचा चमचा घेऊन जन्माला तर येतात, पण यापैकी काही लोकांचे नशीब कमजोर असते. काही लोकांना कठोर परिश्रमानंतर यश मिळते. त्याच वेळी, अनेक लोकांचे संपूर्ण आयुष्य संघर्ष आणि अभावात जाते. अंकशास्त्रानुसार, आज आपण अशा जन्मतारखेच्या लोकांबद्दल जाणून घेणार आहोत. ज्यांच्याकडे रग्गड पैसा असूनही त्यांना संपत्तीचे सुख उपभोगता येत नाही.
रग्गड पैसा कमवूनही सुख नाही!
अंकशास्त्रानुसार, कोणत्याही महिन्याच्या 8, 17 किंवा 26 तारखेला जन्मलेल्या लोकांचा मूलांक 8 असतो. शनीच्या प्रभावामुळे मूलांक 8 असलेले लोक शिस्तप्रिय, न्यायप्रेमी आणि मेहनती असतात. ते खूप धीराचे देखील असतात. 8 क्रमांकाचे लोक त्यांच्या आयुष्यात खूप संघर्ष करतात. 8 क्रमांकाचा स्वामी शनिदेव आहेत आणि शनिदेव काहीही सहज देत नाहीत. म्हणून, 8 क्रमांकाचे लोक कठोर परिश्रम आणि संघर्षानंतर यश मिळवतात.
35 वयांनंतर संपत्ती मिळते..
अंकशास्त्रानुसार, मूलांक 8 असलेल्या लोकांना त्यांच्या आयुष्याच्या तिसऱ्या किंवा चौथ्या टप्प्यात संपत्ती मिळते. सहसा, या लोकांना यश आणि कठोर परिश्रमाचे फळ उशिरा मिळते.
ते स्वतः संपत्तीचा आनंद घेऊ शकत नाहीत
अंकशास्त्रानुसार, मूलांक 8 असलेले लोक पैसे कमवूनही ते उपभोगू शकत नाहीत. यामागे अनेक कारणे आहेत. एक म्हणजे या लोकांना अनावश्यकपणे पैसे खर्च करण्याची सवय नसते. म्हणून, पैसे मिळाल्यानंतरही ते खूप साधे जीवन जगणे पसंत करतात.
शनिदेवांचा प्रभाव
अंकशास्त्रानुसार, शनिदेवाच्या प्रभावामुळे, 8 क्रमांक असलेल्या लोकांना गरीब आणि गरजूंना मदत करण्याची, सामाजिक कार्यात पैसे दान करण्याची सवय असते. यामुळे जेव्हा ते पैसे कमवतात तेव्हा ते स्वतःवर खर्च करण्याऐवजी समाजाच्या मदतीसाठी खर्च करतात.
हेही वाचा :
Numerology: वेळ घेत, हळूहळू कोट्याधीश बनतात 'या' जन्मतारखेचे लोक! यशाच्या शिखरावरून सर्व पाहतात, शनिदेव देतात चांगली बुद्धी, अंकशास्त्रात म्हटलंय..
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)