Horoscope Today 21 November 2024 : आज 21 नोव्हेंबरचा म्हणजेच आज गुरुवारचा दिवस आहे. तसेच, आजचा वार दत्तगुरुंना समर्पित आहे. त्यामुळे आजचा दिवस खास आहे. आजचा दिवस काही लोकांसाठी चांगले, तर काहींसाठी वाईट परिणाम आणू शकतो. आज तुमचे ग्रह तुमच्यासाठी अनुकूल आहेत की नाही? आज तुम्हाला कोणत्या आव्हानांना तोंड द्यावे लागेल किंवा तुम्हाला कोणत्या प्रकारच्या संधी मिळू शकतात? सर्व 12 राशीच्या लोकांसाठी आजचा दिवस व्यवसाय, आरोग्य, नातेसंबंध आणि प्रेमासाठी किती खास असणार आहे? आजचे राशीभविष्य (Horoscope Today) जाणून घ्या.
मेष रास (Aries Today Horoscope)
मेष राशीच्या लोकांसाठी आजचा दिवस चांगला असणार आहे. तुमच्या आयुष्यात अनेक दिवसांपासून धन-संपत्तीशी ज्या समस्या सुरु होत्या त्या लवकर संपतील. तुमच्या कुटुंबातील एका व्यक्तीच्या लग्नाच्या प्रस्तावा संदर्भात बोलणी सुरु असतील. आज तुमच्या मनातील एखादी सुप्त इच्छा पूर्ण होण्याची शक्यता आहे. तुमच्या आयुष्यातील निर्णय घेण्याचा अधिकार इतरांना देऊ नका.
वृषभ रास (Taurus Today Horoscope)
वृषभ राशीच्या लोकांसाठी आजचा दिवस चांगला असणार आहे. मात्र, आज तुमची एखादी आवडीची वस्तू हरवण्याची शक्यता आहे. ती शोधण्याचा तुम्ही खूप प्रयत्न कराल. तसेच, तुमच्या नातेसंबंधात जर दुरावा असेल तर तो वेळीच सोडवण्याचा प्रयत्न करा. यासाठी तुमचा इगो बाजूला ठेवा. मनाच्या शांतीसाठी धार्मिक कार्यात सहभागी व्हा. मित्रांच्या सहवासात तुम्ही जुन्या आठवणीत अगदी रमाल. भूतकाळात तुम्हाला समजून घेणारे फार कमी लोक असतील. तसेच, प्रत्येकाला स्वत:बद्दल स्पष्टीकरण देण्याची गरज नाही.
मिथुन रास (Gemini Today Horoscope)
मिथुन राशीच्या लोकांसाठी आजचा दिवस अनुकूल असणार आहे. आज तुम्ही एखाद्या नवीन कार्याची सुरुवात करु शकता. स्वत:मध्ये बदल घडवून आणण्याचा प्रयत्न करु शकता. तसेच, संपत्तीचं जतन देखील करु शकता. तुम्हाला तुमच्या कुटुंबियांना योग्य वेळ देण्याची देखील तितकीच गरज आहे. व्यवसायात तुमची प्रगती होण्याचे चांगले संकेत आहेत. तुमच्या आयुष्यात तुम्ही इतरांचा फार जास्त विचार करु नका. अन्यथा त्यामुळे तुम्हाला मानसिक त्रास होऊ शकतो.
कर्क रास (Cancer Horoscope)
कर्क राशीच्या लोकांसाठी आजचा दिवस सामान्य असणार आहे. आज तुमचे तुमच्या पार्टनरबरोबर एखाद्या गोष्टीवरुन वाद होऊ शकतात. हे रुसवे-फुगवे वेळीच सोडवा. तसेच, तुमच्यासाठी प्रगतीचे अनेक मार्ग खुले असतील. फक्त त्यासाठी तुम्ही मनापासून प्रयत्न करण्याची गरज आहे. तुमच्या आरोग्यात देखील चढ-उतार पाहायला मिळतील. आज गुरु पुष्य योगाचा तुम्हाला चांगला लाभ मिळण्याची शक्यता आहे. संध्याकाळाचा वेळ धार्मिक कार्यात जाईल.
सिंह रास (Leo Horoscope)
सिंह राशीच्या लोकांसाठी आजचा दिवस चांगला असणार आहे. आज कामाच्या ठिकाणी कोणाबरोबर विनाकारण वाद घालू नका. अन्यथा त्याचा तुमच्या दिवसावर परिणाम होण्याची शक्यता आहे. तसेच, तुम्हाला तुमच्या कामावर लक्ष देण्याची गरज आहे. व्यवसायात एखादं नुकसान होण्याची शक्यता देखील नाकारता येत नाही. आरोग्याची काळजी घ्या.
कन्या रास (Virgo Horoscope)
कन्या राशीच्या लोकांसाठी अध्यात्मिकतेच्या मार्गावर चालणारा असेल. आज तुमचा संपूर्ण दिवस धार्मिक कार्यात जाईल. दानपुण्य करण्याची तुम्हाला सवय लागेल. कुटुंबातील वातावरण देखील प्रसन्न असणार आहे. तुमच्या सुखासाठी तुम्हाला इतरांवर अवलंबून राहावं लागणार नाही. भूतकाळातील काही चुकांमधून तुम्ही चांगला बोध घ्याल.
तूळ रास (Libra Today Horoscope)
तूळ राशीच्या लोकांसाठी आजचा दिवस चांगला असणार आहे. आज तुमचे अनेक दिवसांपासून रखडलेले काम पूर्ण होईल. तसेच, कोणताही नवीन किंवा मोठा निर्णय घेताना कुटुंबातील सदस्यांचा विचार करा. जर तुम्हाला पोटाच्या संबंधित विकार असतील तर त्यासाठी वेळीच डॉक्टरांशी संपर्क साधा. तुमची लव्ह लाईफ चांगली असणार आहे.
वृश्चिक रास (Scorpio Today Horoscope)
वृश्चिक राशीच्या लोकांसाठी आजचा दिवस मध्यम स्वरुपाचा असणार आहे. कामाच्या ठिकाणी तुमच्यावर अनेक मोठ्या जबाबदाऱ्या सोपवण्यात येतील त्या तुम्ही योग्यपणे पार पाडणं गरजेचं आहे. तुमच्या वैवाहिक जीवनात काही समस्या येऊ शकतात. आई-वडिलांच्या आशीर्वादाने तुमचे कोणतेही काम सहज पूर्ण होईल. मित्रांचं चांगलं सहकार्य लाभेल.
धनु रास (Sagittarius Today Horoscope)
धनु राशीच्या लोकांसाठी आजचा दिवस चांगला असणार आहे. तुमच्या मान-सन्मानात चांगली वाढ झालेली दिसेल. तसेच, तुमच्या आवडत्या व्यक्तीबरोबर तुम्ही आजचा दिवस चांगला घालवाल. तुमच्या आरोग्याकडे तुम्ही थोडं लक्ष देण्याची गरज आहे. आरोग्याच्या बाबतीत कोणताही हलगर्जीपणा करु नका. तुम्ही तुमच्या नोकरी बदलीचा विचार करु शकता.
मकर रास (Capricorn Today Horoscope)
मकर राशीच्या लोकांसाठी आजचा दिवस सामान्य असणार आहे. कामाच्या ठिकाणी तुम्हाला तुमच्या कामाशी घेणं-देणं ठेवणं गरजेचं आहे. तसेच, इतरांच्या समस्यांमध्ये लक्ष घालण्याचा प्रयत्न करु नका. तुम्ही धार्मिक कार्यात जास्त रमाल. तसेच, लवकरच तुमच्या कुटुंबात शुभवार्ता ऐकायला मिळू शकते. कोणत्याही कामाच्या संदर्भात घाई करु नका.
कुंभ रास (Aquarius Today Horoscope)
कुंभ राशीच्या लोकांसाठी आजचा दिवस खास असणार आहे. कामाच्या ठिकाणी आज तुम्हाला एखादी शुभवार्ता ऐकायला मिळू शकते. तसेच, तुम्हाला घरगुती कामकाजात पूर्ण लक्ष देण्याची गरज आहे. तुम्ही तुमच्या खर्चावर नियंत्रण ठेवणं गरजेचं आहे. जर एखाद्या कामाच्या संदर्भात तुमचे पालक जर तुमच्यावर रागवत असतील तर त्यात कोणतंच वाईट वाटण्याची गरज नाही. ते तुमच्या चांगल्याचाच विचार करतायत ही गोष्ट लक्षात घ्या.
मीन रास (Pisces Today Horoscope)
मीन राशीच्या लोकांसाठी आजचा दिवस चांगला असणार आहे. तुमच्या वैवाहिक जीवनात चांगला आनंद तुम्हाला पाहायला मिळेल. तसेच, तुम्ही जर व्यवसाय करत असाल तर तुमच्या व्यवसायात चांगली वाढ झालेली दिसेल. त्यामुळे तुम्हाला समाधान राहील. तसेच, अधिक चांगलं काम करण्यासाठी तुम्ही प्रोत्साहित व्हाल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: