Guru Transit : आज धन आणि सुखाचा कारक असलेला देव गुरू बृहस्पति याने आपली चाल बदलली आहे. आज रविवार, 31 डिसेंबर 2023 रोजी सकाळी 08:09 वाजता गुरु ग्रहाने थेट मेष (Aries) राशीत प्रवेश केला आहे.
गुरुच्या स्थितीचा 3 राशींना फायदा
जेव्हा बृहस्पति कुंडलीत शुभ स्थानी असतो तेव्हा माणसाला सुख आणि समृद्धी मिळवण्यासाठी जास्त कष्ट करावे लागत नाहीत. आज गुरू शुभ स्थितीत आहे आणि याचा प्रामुख्याने 3 राशींना फायदा होणार आहे. गुरु ग्रह 3 राशीच्या लोकांच्या जीवनात आनंद पसरवेल आणि त्यांना चांगला आर्थिक लाभ देईल. या 3 भाग्यवान राशींबद्दल जाणून घेऊया.
सिंह रास (Leo)
वर्षाच्या शेवटी होत असलेलं गुरूचं संक्रमण सिंह राशीच्या लोकांसाठी फायदेशीर मानलं जातं. बृहस्पतिने सिंह राशीच्या 9व्या भावात प्रवेश केला आहे. यामुळे कामाच्या ठिकाणी तुम्हाला तुमचे मित्र आणि बॉस यांचे पूर्ण सहकार्य मिळेल. तुम्हाला आर्थिक अडचणींपासून दिलासा मिळेल आणि तुम्ही नवीन गुंतवणूक पर्यायांचा विचार करू
शकता. परदेश प्रवासाचीही शक्यता आहे.
कर्क रास (Cancer)
कर्क राशीच्या लोकांसाठी गुरूच्या राशीतील बदल शुभ मानला जातो. गुरु तुमच्या दहाव्या भावात असणार आहे. गुरूच्या शुभ प्रभावामुळे तुमची सर्व प्रलंबित कामे सुरू होतील. कोणतेही नवीन कार्य सुरू करण्यासाठी हा काळ अतिशय शुभ मानला जातो. तुम्हाला सुख आणि संपत्तीचा लाभ मिळेल. त्याच वेळी, आपल्या आरोग्याची काळजी घ्या. कौटुंबिक जीवनाबद्दल बोलल्यास, कुटुंबातील सर्व सदस्य आनंदी राहतील आणि तुमच्यामध्ये कौटुंबिक ऐक्य वाढेल. तुमच्या जोडीदारासोबत काही वाद चालू असेल तर ते आज संपुष्टात येईल.
धनु रास (Sagittarius)
वर्षाच्या शेवटी गुरूचं संक्रमण धनु राशीच्या लोकांसाठी फायदेशीर ठरू शकतं. या काळात नोकरी करणारे लोक कौतुकास पात्र होतील. बृहस्पति तुमच्या पाचव्या घरात प्रवेश करेल. व्यावसायिकांसाठी उत्पन्नाचे नवीन स्रोत उघडतील. किरकोळ समस्या उद्भवू शकतात, ज्या तुमच्या जोडीदाराच्या मदतीने सहजपणे सोडवल्या जाऊ शकतील. तुम्ही जितके निर्भय राहाल तितके यश तुमच्या पायाशी येईल. वर्षाच्या शेवटच्या दिवशी व्यवसायात आर्थिक लाभामुळे तुमचे मन प्रसन्न राहील आणि तुम्ही सर्व कामे सहजतेने करू शकाल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: