Bhagyashree Mote : मराठी सिनेसृष्टीतील प्रसिद्ध अभिनेत्री भाग्यश्री मोटे (Bhagyashree Mote) प्रेक्षकांमध्ये चांगलीच प्रचलित आहे. भाग्यश्रीने मराठी आणि हिंदी सिनेमांसोबतच दाक्षिणात्य सिनेमांमध्येही काम केलं आहे. भाग्यश्री सोशल मीडियावर चांगलीच सक्रिय असते, तिच्या पोस्ट या नेहमीच चांगल्या चर्चेत असतात. भाग्यश्री मोटे स्वामी समर्थांची निस्सीम भक्त आहे, नुकतंच तिने स्वामी समर्थांच्या तारक मंत्रावर आधारित व्हिडीओ साँगमध्ये काम केलं आणि यानंतर आता भाग्यश्रीला स्वामींचं बोलावणं आलं. या वेळी भाग्यश्री काय म्हटली ते पाहूया.
अखेर स्वामींचं बोलावणं आलं
अक्कलकोटला गेल्यावर भाग्यश्रीने तिचा स्वामी अनुभव शेअर केला आहे. नुकतेच भाग्यश्रीने सोशल मीडियावर अक्कलकोटच्या स्वामी समर्थ मंदिरातील फोटो शेअर केले आहेत. या फोटोंच्या कॅप्शनमध्ये तिने तिचा स्वामी अनुभव शेअर केला आहे. त्यात ती म्हणते, "कित्येकदा ठरवलं अक्कलकोटला जायचं, पण काही ना काही कारणास्तव जाणं होत नव्हतं. शेवटी ठरवलं, स्वामींचं बोलावणं येईल तेव्हाच जाईल आणि म्हणतात स्वामी बोलावतात तुम्हाला. काही दिवसांपूर्वी स्वामींच्या तारकात झळकण्याची संधी मिळाली, तेव्हाच कळलं स्वामींचं बोलावणं आलं आहे. मग जाणं अनिवार्य होतं."
नुकताच झाला भाग्यश्रीचा ब्रेकअप
अभिनेत्री भाग्यश्री मोटे (Bhagyashri Mote) हिने नुकतंच तिच्या सोशल मीडियाच्या अकाऊंटवरुन तिचा साखरपुडा मोडला असल्याची माहिती दिली आहे. भाग्यश्री ही मेकअप आर्टिस्ट विजय पलांडेसोबत (Vijay Palande) लग्न करणार होती. 2022 मध्ये या जोडप्याने साखरपुडा (Engagement) देखील उरकला होता. पण आता या दोघांनीही विभक्त होण्याचा निर्णय घेतला आहे.
भाग्यश्रीने तिच्या सोशल मीडियाच्या अकाऊंटवरुन तिचा साखरपुडा मोडला असल्याचं जाहीर केलंय. त्याचप्रमाणे यावेळी तिने त्यांच्या खासगी आयुष्यामध्ये स्पेस देण्याचीही विनंती यावेळी केलीये. भाग्यश्री आणि विजयच्या साखरपुड्याला हृतिकनेही हजेरी लावली होती. कारण विजय हा हृतिकचा मेकअप आर्टिस्ट आहे.
हेही वाचा: