Astrology Panchang 16 November 2024 : आज शनिवार, 16 नोव्हेंबर रोजी चंद्र शुक्राच्या राशीत वृषभ राशीत प्रवेश करणार आहे, जिथे बृहस्पति आधीपासूनच आहे आणि या दोघांच्या संयोगामुळे आज गजकेसरी योग तयार होत आहे. तसेच आज कार्तिक महिन्यातील कृष्ण पक्षाची प्रतिपदा तिथी असून या दिवशी गजकेसरी योगासह अमृत सिद्धी योग आणि कृतिका नक्षत्र यांचा शुभ संयोग होत असल्याने आजचं महत्त्व अधिकच वाढलं आहे. वैदिक ज्योतिष शास्त्रानुसार, 5 राशींना (Zodiac Signs) या शुभ योगांचा फायदा होणार आहे, या राशी नेमक्या कोणत्या? जाणून घेऊया.
मेष रास (Aries)
आजचा दिवस मेष राशीच्या लोकांसाठी अतिशय शुभ असणार आहे. मेष राशीचे लोक आज शिस्तबद्ध राहतील आणि कठोर परिश्रम देखील करतील. आजपासून तुमचे घरगुती खर्च कमी होतील, ज्यामुळे पैशांची बचत करण्यात यश मिळेल. तुमच्या राशीवर शनिदेवाच्या आशीर्वादामुळे आज तुम्हाला पैसे कमवण्याचे नवीन मार्ग मिळतील, ज्यामुळे तुम्ही सर्वांच्या गरजा सहज पूर्ण करू शकाल आणि धार्मिक कार्यातही रस घ्याल. नोकरीवर तुमची पकड चांगली राहील आणि आज तुमच्या सहकाऱ्यांच्या पाठिंब्याने तुम्ही ऑफिसची कामं मजामस्तीने पूर्ण करू शकाल. जर तुम्ही आरोग्याशी संबंधित कोणत्याही समस्येने त्रस्त असाल तर आज तुमचं आरोग्य सुधारण्याची शक्यता आहे.
कर्क रास (Cancer)
आजचा दिवस कर्क राशीच्या लोकांसाठी चांगला असणार आहे. आज तुम्ही दिवसातील काही वेळ तुमच्या भावा-बहिणींसोबत घालवाल, त्यांच्यासोबत तुम्ही तुमचे विचार शेअर कराल आणि तुमच्या मनावरील ओझं हलकं कराल. आज तुम्ही तुमच्या आई-वडिलांच्या आशीर्वादाने कोणतंही काम केलं तर त्याचे फायदे तुम्हाला मिळतील. शनिदेवाच्या कृपेने आज तुम्हाला व्यवसायात छोटा नफा होईल. आज तुम्ही नवीन संपर्क प्रस्थापित करू शकाल, ज्यामुळे तुम्हाला चांगला नफा मिळेल. नोकरीत असलेल्यांना आज अधिकाऱ्यांकडून पूर्ण सहकार्य मिळेल, ज्यामुळे तुमची कार्यालयीन कामं सोपी होतील. संध्याकाळी मित्रांसोबत विवाह वैगेरे शुभ कार्यक्रमांना जाण्याची संधी मिळेल.
कन्या रास (Virgo)
कन्या राशीच्या लोकांसाठी आजचा दिवस आनंदाचा असणार आहे. कन्या राशीच्या लोकांना आज प्रत्येक पावलावर नशिबाची साथ मिळेल, त्यामुळे तुमची ठरवलेली अनेक कामं पूर्णत्वाकडे जातील. आज कुटुंबातील एखाद्या सदस्याला सरकारी नोकरी मिळू शकते, ज्यामुळे कुटुंबातील सर्व सदस्य खूप आनंदी दिसतील. तुम्हाला जमीन आणि वाहन खरेदी करायचं असेल तर तुमची इच्छा आज पूर्ण होऊ शकते. नवीन नोकरीच्या शोधात असलेल्यांना आज मित्रांमार्फत माहिती मिळेल, त्यासाठी ते लगेच अर्ज करू शकतात. अविवाहित लोकांसाठी आज एक चांगलं स्थळ येऊ शकतं. कुटुंबातील सर्व सदस्य त्यांच्या कामात व्यस्त असतील.
मकर रास (Capricorn)
शनिदेव तुमच्या राशीचा स्वामी आहे, त्यामुळे आजचा दिवस तुमच्यासाठी खूप चांगला असणार आहे. मकर राशीच्या लोकांना शनिदेवाच्या कृपेने आज त्यांचे अडकलेले पैसे परत मिळतील आणि त्यांचं आरोग्य देखील चांगलं राहील, त्यामुळे आज तुम्ही खूप सक्रिय दिसाल. आज तुम्ही दिवसाचा बराचसा वेळ गरिबांची सेवा करण्यात किंवा धर्मादाय कार्यात घालवाल, ज्यामुळे तुम्हाला आराम वाटेल. आज विद्यार्थ्यांना शिक्षणात येणाऱ्या अडचणी सोडवण्यासाठी वरिष्ठांची मदत लागेल, जी त्यांना सहज मिळेल. नोकरी आणि व्यवसाय करणारे आज वेळोवेळी नफा मिळवत राहतील. लव्ह लाईफमध्ये काही गैरसमज होत असतील तर ते आज संभाषणातून सोडवले शक्यता आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: