Panchang 06 November 2024 : आज बुधवार, 6 नोव्हेंबर रोजी चंद्राचं धनु राशीत भ्रमण होणार आहे. तसेच आज कार्तिक महिन्याच्या शुक्ल पक्षातील पंचमी तिथी आहे आणि ही तिथी सौभाग्य पंचमी म्हणून ओळखली जाते आणि या दिवशी गणपती आणि लक्ष्मीची पूजा केली जाते. सौभाग्य पंचमीच्या दिवशी सुकर्म योग, रवियोग आणि मूल नक्षत्र यांचा शुभ संयोग होत असल्याने आजचं महत्त्व अधिकच वाढलं आहे. वैदिक ज्योतिष शास्त्रानुसार, 5 राशींना (Zodiac Signs) या शुभ योगांचा फायदा होणार आहे, या राशी नेमक्या कोणत्या? जाणून घेऊया.
मिथुन रास (Gemini)
मिथुन राशीच्या लोकांसाठी आजचा दिवस उत्तम असणार आहे. मिथुन राशीच्या लोकांना आज प्रत्येक काम खूप विचारपूर्वक करायला आवडेल, ज्यामुळे तुमची सर्व कामं पूर्ण होतील आणि तुमच्या कामाच्या पद्धतीवर खूप लोक प्रभावित होतील. चालू असलेल्या आर्थिक समस्या दूर होतील. तुमच्या सुखसोयी वाढतील. विद्यार्थ्यांना शिक्षणात अपेक्षित निकाल मिळेल, ज्यामुळे भविष्यात चांगल्या शैक्षणिक संस्थांमध्ये, कॉलेजमध्ये प्रवेश मिळण्याचा मार्ग मोकळा होईल. नोकरी आणि व्यवसाय करणाऱ्यांना आज चांगला नफा मिळण्याची शक्यता आहे. जर तुम्ही तुमच्या सासरच्या व्यक्तीला पैसे दिले असतील तर ते आज परत मिळण्याची शक्यता आहे. संध्याकाळी तुम्ही तुमच्या जोडीदारासोबत बाहेर फिरायला जाऊ शकता.
कर्क रास (Cancer)
आजचा दिवस कर्क राशीच्या लोकांसाठी फायदेशीर असणार आहे. कर्क राशीचे लोक आज गणेशाच्या कृपेने त्यांच्या अंतर्ज्ञानी बुद्धीचा वापर करतील, ज्यामुळे तुमची अनेक कामं सुरळीत होतील. गुंतवणुकीसाठी आजचा दिवस शुभ असेल आणि तुमच्या तब्येतीत सुधारणा दिसून येईल. अविवाहित लोकांसाठी आज चांगले विवाह प्रस्ताव येऊ शकतात, ज्याबद्दल कुटुंबातील सदस्य देखील चर्चा करू शकतात. नवीन व्यवसाय सुरू करायचा असेल तर आजचा दिवस चांगला जाईल. परदेशातील विद्यापीठात प्रवेश मिळण्यासाठी दीर्घकाळ वाट पाहणाऱ्या विद्यार्थ्यांना आज अनुकूल बातमी ऐकायला मिळू शकते. संध्याकाळचा वेळ कुटुंबासोबत हसत-खेळत व्यतीत होईल.
सिंह रास (Leo)
आजचा दिवस चांगला असणार आहे. बाप्पाच्या कृपेने आज तुम्हाला प्रत्येक कामात यश मिळेल. तुमच्या इच्छा आज सहज पूर्ण होतील आणि पैशाशी संबंधित समस्याही दूर होतील. जर तुम्हाला बऱ्याच काळापासून एखादं वाहन किंवा मालमत्ता खरेदी करण्याचा विचार करत असाल तर आज तुमच्या वडिलांच्या मदतीने तुमची इच्छा देखील पूर्ण होईल. आज तुम्हाला व्यवसाय करण्याच्या नवीन कल्पना येतील आणि त्या दिशेने कामही कराल. तुमच्या जोडीदारासोबत सुरू असलेले गैरसमज दूर होतील आणि परस्पर संबंध अधिक दृढ होतील. घरातील मुलांसोबत संध्याकाळचा वेळ घालवाल.
वृश्चिक रास (Scorpio)
वृश्चिक राशीच्या लोकांसाठी आजचा दिवस खूप खास असणार आहे. वृश्चिक राशीच्या लोकांना नशिबाने साथ दिल्यास आज जे काही काम हाती घेतलं आहे त्यात यश मिळेल. जर तुम्ही आज काही नवीन काम सुरू करण्याचा विचार करत असाल तर त्यासाठी दिवस चांगला जाईल आणि प्रलंबित सरकारी कामंही पूर्ण होतील, ज्यामुळे तुमच्या खांद्यावरचा भारही हलका होईल. जर काही कौटुंबिक तणाव चालू असेल तर तो आज संपेल, ज्यामुळे कौटुंबिक संबंध दृढ होतील. आज लव्ह लाईफमध्ये आनंदाचे क्षण येतील, ज्यामुळे नवीन ऊर्जा मिळेल आणि दोघेही एकमेकांना समजून घेऊ शकाल.
मकर रास (Capricorn)
मकर राशीच्या लोकांसाठी आजचा दिवस चांगला जाणार आहे. मकर राशीच्या लोकांना आज कुटुंबातील सदस्याकडून चांगली बातमी मिळेल आणि काही सरकारी योजनेचा लाभही मिळेल. कोणतंही काम करण्यासाठी व्यावसायिक कठोर परिश्रम करतील आणि आपलं बेस्ट देतील, ज्यामुळे तुम्ही यशाच्या पायऱ्या चढाल आणि नफा नक्कीच मिळेल. तुमच्या जोडीदाराच्या यशामुळे कुटुंबात आज आनंदाचं वातावरण असेल, त्यामुळे पार्टीचंही आयोजन केलं जाऊ शकतं. विद्यार्थ्यांनी परीक्षेच्या तयारीसाठी अधिक मेहनत करणं आवश्यक आहे, तरच ते यशस्वी होऊ शकतात. जर तुम्ही गुंतवणुकीचा विचार करत असाल तर आजचा दिवस त्यासाठी चांगला असेल आणि नोकरी करणाऱ्यांना आज करिअरच्या प्रगतीसाठी चांगल्या संधी मिळतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :