Astrology Panchang 05 December 2024 : आज 5 डिसेंबरचा दिवस हा फार महत्त्वाचा दिवस आहे. आज मार्गशीर्ष महिन्यातील पहिला गुरुवार आहे. तसेच, आज वृद्धी योग (Yog), रवि योग आणि उत्तराषाढ नक्षत्राचा शुभ संयोग जुळून आला आहे. त्यामुळे आजच्या दिवसाचं महत्त्व फार वाढलं आहे.
वैदिक ज्योतिष शास्त्रानुसार आज जुळून आलेल्या शुभ योगाचा परिणाम 5 राशींच्या लोकांवर होणार आहे. या राशींच्या लोकांवर दत्तगुरुंची कृपा असणार आहे. तसेच, तुमच्या मार्गातील अडथळे दूर होतील. या राशी नेमक्या कोणत्या ते जाणून घेऊयात.
वृषभ रास (Taurus Horoscope)
वृषभ राशीचा आजचा दिवस फलदायी असणार आहे. आज तुम्हाला नशिबाची चांगली साथ मिळेल. तसेच, तुमचं खूप महत्त्वाचं काम आज अगदी सहजपणे पूर्ण होईल. त्यामुळे तुम्ही आनंदी असाल. आज तुम्ही मित्रांबरोबर बाहेर फिरायला जाण्याचा देखील प्लॅन करु शकता. तसेच, व्यावसायिकांसाठी आजचा दिवस फार चांगला असणार आहे. कामाच्या ठिकाणी नवीन ऑर्डर्स मिळतील.
कन्या रास (Virgo Horoscope)
कन्या राशीच्या लोकांसाठी आजचा दिवस फार शुभ असणार आहे. आज भगवान विष्णूची तुमच्यावर कृपा असणार आहे. तसेच, तुम्ही नवीन कार्याची सुरुवात करु शकता. जे तरुण नवीन नोकरीच्या शोधात आहेत त्यांना रोजगाराच्या नवीन संधी उपलब्ध होऊ शकतात. तसेच, तुमच्या कुटुंबात सुख-शांती राहील.
तूळ रास (Libra Horoscope)
तूळ राशीच्या लोकांसाठी आजचा दिवस फलदायी असणार आहे. आज तुम्ही तुमचं ध्येय साध्य करण्यात यशस्वी व्हाल. तसेच, जर तुम्हाला वाहन, प्रॉपर्टी विकत घ्यायची असेल तर त्यासाठी आजचा दिवस शुभ आहे. आज तुम्हाला वरिष्ठ अधिकाऱ्यांचा चांगला सहभाग मिळेल. तुमची रोगप्रतिकारक क्षमता चांगली असेल.
मकर रास (Capricorn Horoscope)
मकर राशीच्या लोकांसाठी आजचा दिवस चांगला असणार आहे. आज तुमच्या बौद्धिक विकासात चांगली वाढ झालेली दिसेल. तसेच, व्यापारी वर्गातील लोकांना व्यवसायातून चांगला नफा मिळेल. तुमचे तुमच्या मित्रांबरोबर संबंध अधिक दृढ होतील. तुमची तब्येत अगदी ठणठणीत असेल.
कुंभ रास (Aquarius Horoscope)
कुंभ राशीच्या लोकांसाठी आजचा दिवस आशावादी असणार आहे. आज तुम्ही तुमच्या व्यवसायात अधिक पैसे गुंतवू शकता. त्यातून तुम्हाला अधिक लाभ मिळेल. तसेच, विद्यार्थ्यांनी आपल्या अभ्यासावर लक्ष केंद्रित करणं गरजेचं आहे. जे तुमचे अनेक दिवसांपासून रखडलेले काम आहे ते लवकरच पूर्ण होईल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :