Amalaki Ekadashi 2023 : आज फाल्गुन महिन्यातील शुक्ल पक्षातील एकादशी आहे. सर्व एकादशींमध्ये आमलकी एकादशीला विशेष महत्त्व आहे. या एकादशीमध्ये भगवान विष्णूंसोबतच शिव-पार्वतीची पूजा करण्याचा नियम आहे. आज आमला एकादशीच्या दिवशी सौभाग्याचा योग तयार होत आहे. हा अतिशय शुभ योग आहे. या योगात केलेली कामे फलदायी असतात. आमलकी एकादशीच्या दिवशी आवळ्याच्या संबंधित काही विशेष उपाय केल्याने कार्यात लवकर यश मिळते.
आवळा वृक्षाचे महत्व
आमलकी एकादशी ज्याला आवळा एकादशी सुद्धा म्हटले जाते. आवळ्याच्या झाडाची पूजा विधीपूर्वक केली जाते. त्यामागे काही पौराणिक कथा आणि श्रद्धा जोडलेल्या आहेत. पौराणिक कथेनुसार, आवळा वृक्षाची पूजा सर्वप्रथम देवी लक्ष्मीने भगवान शिव आणि भगवान विष्णूच्या रूपात केली होती.
आमलकी एकादशीसाठी आवळ्याचे उपाय
-आमलकी एकादशीच्या दिवशी भगवान विष्णू आणि आवळ्याच्या झाडाची पूजा केली जाते. या दिवशी घरामध्ये आवळ्याचे झाड लावणे खूप शुभ मानले जाते.
-या दिवशी आवळ्याचे झाड लावल्याने व्यवसायात भरभराट होते, करिअरमध्ये प्रगती होते असा समज आहे.
-आमलकी एकादशीला 21 ताज्या पिवळ्या फुलांची हार करून भगवान विष्णूला अर्पण करा. भगवान विष्णूला पिवळी फुले खूप आवडतात. अशा वेळी ही फुले अर्पण केल्याने देव प्रसन्न होतात आणि त्यांचा आशीर्वाद तुमच्यावर सदैव राहील.
-आमलकी एकादशीच्या दिवशी आवळ्याचे विशेष महत्त्व आहे. या दिवशी आवळा फळ भगवान विष्णूला अर्पण करा. यामुळे भगवान विष्णू प्रसन्न होतात आणि सर्व मनोकामना पूर्ण होतात.
-आमलकी एकादशीच्या दिवशी भारतीय आवळ्याच्या झाडाला स्पर्श करून नमस्कार करावा. यासोबतच या झाडाला जल अर्पण करावे. यानंतर त्याची माती कपाळावर लावावी.
-असे मानले जाते की यामुळे कामात दुहेरी यश मिळते, जर तुम्हाला कामाच्या ठिकाणी कोणत्याही प्रकारची समस्या येत असेल तर ती देखील दूर होते.
-असे मानले जाते की, जर पती-पत्नीमध्ये मतभेद असतील, दररोज भांडणे होत असतील, तर भारतीय आवळ्याच्या झाडाच्या खोडावर सात वेळा धागा गुंडाळा. यानंतर तुपाचा दिवा लावावा. यामुळे तुमचे नाते सुधारेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या