PM Kisan Scheme : महत्त्वाची बातमी, 'या' लोकांना PM किसान योजनेचा लाभ मिळणार नाही, त्वरीत तपासा तुमचे नाव

एबीपी माझा वेब टीम Updated at: 13 Apr 2022 09:51 AM (IST)

Edited By: ज्योती देवरे

PM Kisan Scheme : धक्कादायक बाब म्हणजे अनेक अपात्र लोक या सरकारी योजनेचा लाभ घेत आहेत, तर जाणून घ्या कोणत्या लोकांना या सरकारी योजनेचा लाभ मिळणार नाही.

PM Kisan Samman Nidhi Yojana

PM Kisan Scheme : तुम्ही PM किसान योजनेत नोंदणी केली असेल आणि 11व्या हप्त्याची वाट पाहत असाल, तर तुमच्यासाठी एक महत्त्वाची बातमी आहे. अनेक अपात्र लोक अजूनही या सरकारी योजनेचा लाभ घेत आहेत, तर जाणून घ्या कोणत्या लोकांना या सरकारी योजनेचा लाभ मिळणार नाही.

'या' लोकांना लाभ मिळणार नाही
जे लोक आयकर भरतात त्यांना पीएम किसान सन्मान निधीचा लाभ मिळत नाही. याशिवाय डॉक्टर, चार्टर्ड अकाउंटंट, वकील, अभियंता, वास्तुविशारद अशा व्यावसायिकांनाही या योजनेचा लाभ मिळत नाही. याशिवाय संस्थागत जमीन मालकांनाही या योजनेचा लाभ मिळणार नाही. तसेच, ज्या लोकांना दिलासा मिळाला आहे ते देखील आता योजनेच्या कक्षेबाहेर राहतील.

11.3 कोटी शेतकऱ्यांच्या खात्यात रक्कम हस्तांतरित
पीएम किसान सन्मान निधी योजनेअंतर्गत 11.3 कोटी शेतकऱ्यांच्या खात्यात 1.82 लाख कोटी रुपये थेट हस्तांतरित करण्यात आले आहेत. कोरोना महामारीच्या काळात शेतकऱ्यांच्या खात्यावर 1.30 लाख कोटी रुपये जमा करण्यात आले आहेत.

लाभ कोणाला मिळतो?
या योजनेचा लाभ घेण्यासाठी तुमचे वय 18 ते 40 वर्षांच्या दरम्यान असावे. याशिवाय 2 हेक्टर लागवडीयोग्य जमीन असणे देखील आवश्यक आहे, ज्या शेतकऱ्यांकडे लागवडीयोग्य जमीन नाही ते या योजनेचा लाभ घेऊ शकत नाहीत.

6000 रुपये मिळवा
या योजनेंतर्गत केंद्र सरकार शेतकऱ्यांना वार्षिक 6000 रुपयांची आर्थिक मदत देते. सरकार हे पैसे तीन हप्त्यांमध्ये देते. म्हणजेच, तुम्हाला 4 महिन्यांच्या फरकाने 2000 रुपये मिळतात. हे पैसे थेट तुमच्या बँक खात्यात ट्रान्सफर केले जातात

1 जानेवारी रोजी 10वा हप्ता ट्रान्सफर करण्यात आला
प्रधानमंत्री किसान सन्मान निधी योजनेच्या 10व्या हप्त्याचे पैसे 1 जानेवारी 2022 रोजी शेतकऱ्यांच्या खात्यात हस्तांतरित करण्यात आले. देशातील करोडो शेतकऱ्यांच्या खात्यावर 2000 रुपयांचा हप्ता वर्ग करण्यात आला.

11व्या हप्त्याचे पैसे कधी येणार ?

पीएम किसान योजनेंतर्गत शेतकऱ्यांना 1 एप्रिल ते 31 जुलै दरम्यान पहिल्या हप्त्याची रक्कम दिली जाते. त्याच वेळी, दुसऱ्या हप्त्याचे पैसे 1 ऑगस्ट ते 30 नोव्हेंबर दरम्यान ट्रान्सफर केले जातात. याशिवाय तिसऱ्या हप्त्याचे पैसे 1 डिसेंबर ते 31 मार्च दरम्यान ट्रान्सफर केले जातात. त्यानुसार एप्रिल महिन्याच्या सुरुवातीला शेतकऱ्यांच्या खात्यावर 11 हप्त्याची रक्कम जमा होणार आहे.

संबंधित बातम्या