Cotton News : सध्या देशांतर्गत बाजारात कापसाच्या दरात (Cotton Price) घसरण झाली आहे. त्यामुळं शेतकरी (Farmers) चिंतेत आहेत. दरात घसरण होत असताना देशात कापसासह इतर सहा शेतमालाची आयात केली जाणार आहे. ही शेतमालाची करण्यात येणारी आयात ही आयात शुल्क (import duty) मुक्त असणार आहे. दरम्यान कोणत्या शेतमाल आयात केली जाणार आहे? कापसाच्या दरात घसरण का झाली? याबाबतची माहिती पाहुयात...
कापसाबरोबर या शेतमालाची आयात केली जाणार
या महिनाभरात कापसाच्या दरात प्रतिक्विंटलमागे 500 ते 800 रुपयांची घसरण झाली आहे. दर घसरल्यामुळं कापूस उत्पादक शेतकरी चिंतेत आहेत. शेतकऱ्यांनी कापूस साठवूण ठेवण्याचा निर्णय घेतला आहे. तर दुसरीकडे कापसाची आवक मंदावल्यामुळं सूत आणि कापड उद्योजकही चिंतेत आहेत. अशातच केंद्र सरकारनं ऑस्ट्रेलियातून कापसाची आयात करण्याचा निर्णय घेतला आहे. भारत आणि ऑस्ट्रेलिया यांच्या आर्थिक सहकार्य आणि व्यापार करार करण्यात आला आहे. याअंतर्गत तापूस, मसूर, बदाम, संत्रा, पियर्स या शेतमालाची आयात केली जाणार आहे. ही आयात आयात शुल्क मुक्त असणार आहे. या आयातीत पूर्वीच्या तुलनेत मोठी वाढ करण्यात आल्याची माहिती अभ्यासकांनी दिली आहे. सध्या भारतीय सुताची मागणी घटली आहे. रुईची घटती मागणी तसेच सेबीने वायद बाजारावंर अघोषीत घातलेली बंदी यामुळं दरात घसरण होत असल्याचे अभ्यासकांनी सांगितले आहे.
भारतातून कापसाची निर्यात होणं गरजेचं
देशांतर्गत बाजारात कापसाच्या दरात घसरण होत असताना ऑस्ट्रेलियातून कापसाची आयात करण्याचा निर्णय घेण्यात आला आहे. या आयातीत कापसावर 11 टक्के आयात शुल्क आकारले जाणार नाही. त्यामुळं पुन्हा एकदा कापसाच्या दरात घसरण होण्याची भीती अभ्यासकांनी वर्तवली आहे. यावर्षी भारतानं ऑस्ट्रेलियातून 51 हजार टन म्हणजेत तीन लाख गाठी कापसाची आयात होणार आहे. केंद्र सरकारनं 2021 मध्ये कापसाच्या आयातीवर 11 टक्के आयात शुल्क लावले होते. मात्र, आता होणारी आयात ही आयात शुल्क मुक्त असणार आहे. त्यामुळं दरात घसरण होण्याची शक्यता आहे. त्यामुळं भारतातून कापसाची निर्यात होणं गरजेचं असल्याचं मत अभ्यासकांनी व्यक्त केलं आहे.
महाराष्ट्रातही कापसाच्या दरात घसरण
विदर्भासह (Vidarbha) आणि मराठवाडा (Marathwada) आणि उत्तर महाराष्ट्रात (North Maharashtra) मोठ्या प्रमाणावर कापसाचे उत्पादन (cotton Production) घेतले जाते. मात्र, सध्या कापूस उत्पादक शेतकरी चिंतेत सापडला आहे. मागील वर्षी कापसाला मिळालेला विक्रमी दर पाहता यावर्षीही कापसाला चांगला दर मिळेल अशी अपेक्षा शेतकऱ्यांना होती. मात्र, गेल्या आठवड्याभरात कापसाचे दर पंधराशे ते दोन हजार रुपयांनी घटले आहेत. सध्या कापसाचा 7 हजार 500 ते 7 हजार 900 रुपयांचा दर मिळत आहे. त्यामुळं कापूस उत्पादक शेतकरी अडचणीत सापडला आहे.
महत्त्वाच्या बातम्या: