अनेक कलाकारांनी तसेच प्रेक्षकांनी सोशल मीडियावर पोस्ट शेअर करून 'द कश्मीर फाइल्स' या चित्रपटाचं कौतुक केलं.

आता बॉलिवूडचा भाईजान सलमान खान देखील या चित्रपटाचे कौतुक करत आहे.

विवेक अग्निहोत्री यांनी दिग्दर्शित केलेला द कश्मीर फाइल्स या चित्रपटाला सलमान खानची पसंती मिळाली.

चित्रपटात महत्वाची भूमिका साकारणारे अभिनेते अनुपम खेर यांनी एका मुलाखतीमध्ये सांगितले की, सलमाननं त्यांना फोन केला आणि चित्रपटाचे कौतुक करत त्यांचे अभिनंदन केलं.

सलमान आणि अनुपम खेर यांनी अनेक चित्रपटांमध्ये एकत्र काम केले आहे.

प्रेम रतन धन पाओ, जान-ए-मन आणि हम आपके है कौन या चित्रपटांमधून अनुपम आणि सलमान यांची जोडी प्रेक्षकांच्या भेटीस आली होती.

'द कश्मीर फाइल्स' 11 मार्च रोजी प्रदर्शित झाला.

चित्रपटात अनुपम खेर यांच्यासोबतच दर्शन कुमार, मिथुन चक्रवर्ती, पल्लवी जोशी यांनी देखील प्रमुख भूमिका साकारली आहे.