गेल्या काही दिवसांपासून अनेक नेत्यांच्या बायोपिक प्रेक्षकांच्या भेटीस आल्या आहेत.

नुकतेच ‘गडकरी’ या चित्रपटाचे पोस्टर सोशल मीडियावर प्रदर्शित करण्यात आले आहे.

देशाच्या विकासासाठी कायमच कटिबद्ध असणाऱ्या नितीन गडकरी यांच्या आयुष्यावर आधारित ‘गडकरी’ (Gadkari Marathi Movie) हा चित्रपट लवकरच प्रेक्षकांच्या भेटीला येत आहे.

27 ॲाक्टोबर रोजी हा चित्रपट प्रदर्शित होणार आहे.

अभ्यासू, प्रभावी वक्ता, कणखर, निरपेक्ष विचार करणारा नेता, रस्ता सुधारणा प्रवर्तक.

भारतातील रस्ते वाहतूक आणि महामार्गांसाठी सर्वाधिक काळ काम करणाऱ्या नितीन गडकरी यांची ओळख ‘हायवे मॅन ॲाफ इंडिया’ अशीही आहे.

‘गडकरी’मध्ये नितीन गडकरींची भूमिका कोण साकारेल? हे जाणून घेण्यासाठी प्रेक्षक उत्सुक आहेत.

अभिजीत मजुमदार प्रस्तुत, अक्षय देशमुख फिल्म्स निर्मित या चित्रपटाचे अक्षय अनंत देशमुख निर्माते आहेत.

या चित्रपटाचे अनुराग भुसारी, मिहिर फाटे सहनिर्माते आहेत.

‘गडकरी’ या चित्रपटाच्या ट्रेलरची आणि टीझरची प्रेक्षक आता उत्सुकतेने वाट बघत आहेत.