मराठी अभिनेता तुषार घाडीगावकरने आयुष्य संपवलं

मराठी अभिनेता तुषार घाडीगावकर यांनी काम ना मिळलो मुळे आणि नैराश्यामुळे आत्महत्या केली, ही बातमी मन हेलावणारी आहे.

छोट्या पडद्यावर विविध मालिकांमधून अभिनय करणाऱ्या तुषारचा चेहरा प्रेक्षकांमध्ये ओळखीचा झाला होता.

‘लवंगी मिरची’, ‘मन कस्तुरी रे’ आणि ‘सुखाच्या सरींनी हे मन बावरे’ यासारख्या मालिकांत त्यांनी भूमिका साकारल्या होत्या.

‘भाऊबळी’, ‘उनाड’ आणि ‘झोंबिवली’ या मराठी चित्रपटांमधूनही त्यांनी आपली छाप सोडली होती.

‘संगीत बिबट आख्यान’ या नाटकातही तुषार यांनी महत्त्वाची भूमिका केली होती.

अलीकडेच 'सन मराठी' वाहिनीवरील 'सखा माझा पांडुरंग' मालिकेत ते झळकले होते.

तुषार मूळचा सिंधुदुर्ग जिल्ह्यातील कणकवलीचा असून रुपारेल महाविद्यालयात त्यांनी अभिनयाची सुरुवात केली होती.

महाविद्यालयीन जीवनात ‘घाड्या’ या टोपणनावाने ते मित्रांमध्ये प्रसिद्ध होते.

त्यांच्या निधनामुळे मराठी कलाविश्वात हळहळ व्यक्त केली जात असून अनेक कलाकारांनी सोशल मीडियावर भावना व्यक्त केल्या आहेत.

“माणसं आतून किती तुटलेली असतात हे दिसत नाही” असे म्हणत वैभव मांगले यांनी त्यांच्या जाण्याने मन सुन्न झाल्याचे सांगितले.