उत्तराखंडयेथील प्रसिद्ध तीर्थक्षेत्र असलेले केदारनाथ धामचे कपाट आजपासून भाविकांसाठी उघडण्यात आले आहे.

आज सकाळी मंत्रोच्चार, पूजा-अर्चनासह आणि विधीवत पूजेसह कपाट उघडण्यात आले.

पुढील सहा महिन्यांपर्यंत भाविक भगवान केदारनाथांचे दर्शन घेऊ शकतात.

यावेळी हेलिकॉप्टरमधून पुष्पवृष्टि देखील करण्यात आली होती.

आर्मी बँडने मधुर धून वाजविल्या यावेळी संपूर्ण परिसर हर हर महादेवच्या जयघोषाने दुमदुमला.

उत्तराखंडचे मुख्यमंत्री पुष्कर सिंह धामी, केदारनाथचे रावल भीमाशंकर लिंग, प्रमुख पुजारी वागेश लिंग आणि असंख्य भाविक या वेळी उपस्थित होते.

अक्षय तृतीयेला यमुनोत्री धामचे कपाट आणि त्यानंतर गंगोत्री धामचे कपाट उघडण्यात आले.

आता 4 मे रोजी बद्रीनाथ धामचे कपाट उघडले जातील.

धार्मिक मान्यतेनुसार, चारधाम यात्रा यमुनोत्रीपासून सुरू केल्यास ती निर्विघ्न होते. केदारनाथसाठी हेलिकॉप्टर सेवा 2 मेपासून सुरू झाली आहे.