सुपरस्टार नयनतारा आणि विग्नेश शिवन यांनी 9 जून 2022 रोजी लग्नगाठ बांधली होती.

चेन्नईत झालेल्या ग्रँड लग्न सोहळ्यानंतर हे जोडपे विशेष चर्चेत होते. आता लग्नाच्या अवघ्या चार महिन्यांनंतरच, दोघांनीही चाहत्यांना आनंदाची बातमी दिली आहे.

नयनतारा आणि विग्नेश ही जोडी जुळ्या मुलांची पालक झाली. आता नयनतारानं एका कार्यक्रमामध्ये तिच्या जुळ्या मुलांची नावं चाहत्यांना सांगितली आहेत.

नयनतारानं चेन्नईमधील एका कार्यक्रमात हजेरी लावली. या कार्यक्रमामधील नयनताराचा एक व्हिडिओ सोशल मीडियावर व्हायरल झाला आहे. हा व्हिडीओ नयनताराच्या एका चाहत्यानं ट्विटरवर शेअर केला आहे.

व्हिडिओमध्ये नयनतारा तिच्या जुळ्या मुलांची नावे सांगताना दिसत आहे. नयनताराच्या एका मुलाचं नाव उयिर रुद्रोनिल एन शिवन आणि दुसऱ्या मुलाचे नाव उलग धैवाग एन शिवन असं आहे.

नयनतारा आणि विग्नेश शिवन हे त्यांच्या मुलांसोबतचे फोटो सोशल मीडियावर शेअर करतात. या फोटोला नेटकऱ्यांची पसंती मिळते.

नयनतारा ही जवान या चित्रपटामधून प्रेक्षकांच्या भेटीस येणार आहे.

हरुख खानच्या जवान या चित्रपटामध्ये नयनतारा ही मुख्य भूमिका साकारणार आहे.

नयनताराच्या आगामी चित्रपटांची प्रेक्षक उत्सुकतेने वाट बघत असतात.