अभिनेता सलमान खानचा 'किसी का भाई किसी की जान' हा आगामी चित्रपट लवकरच प्रेक्षकांच्या भेटीस येणार आहे.

'नय्यो लगदा' (Naiyo Lagda) या गाण्याचा टीझर सलमाननं सोशल मीडियावर शेअर केला होता.

सलमानचे चाहते उत्सुकतेने या गाण्याची वाट बघत होते. आता हे पूर्ण गाणं प्रेक्षकांच्या भेटीस आलं आहे.

'किसी का भाई किसी की जान' या चित्रपटातील 'नय्यो लगदा' हे गाणे झी म्युझिकच्या युट्यूब चॅनलवर शेअर करण्यात आलं आहे.

पलक मुच्छल आणि कमाल खान यांनी हे गाणं गायलं आहे. तर शब्बीर अहमद हे या गाण्याचे गीतकार आहेत. हिमेश रेशमियानं (Himesh Reshammiya) या गाण्याचं संगीत दिग्दर्शन केलं आहे.

'नय्यो लगदा' या गाण्यातील सलमानच्या लूकनं अनेकांचे लक्ष वेधले आहे.

सलमान खानच्या 'किसी का भाई किसी की जान' या चित्रपटाची प्रेक्षक उत्सुकतेने वाट बघत आहे. या चित्रपटामध्ये सलमान आणि पूजा यांच्याबरोबरच बॉलिवूडमधील काही प्रसिद्ध कलाकार देखील प्रमुख भूमिका साकारणार आहेत.

21 एप्रिल 2023 रोजी 'किसी का भाई किसी की जान' हा चित्रपट प्रेक्षकांच्या भेटीस येणार आहे.

किसी का भाई किसी की जान हा एक अ‍ॅक्शन कॉमेडी चित्रपट असणार आहे. या चित्रपटाची निर्मिती सलमान खानसह साजिद नाडियाडवालाने केली आहे.

'टायगर-3' (Tiger 3) या सलमानच्या आगामी चित्रपटांची वाट चाहते उत्सुकतेने पाहात आहेत. टायगर-3 या चित्रपटाची रिलीज डेट अजून जाहीर करण्यात आलेली नाही.