1 ऑगस्टपासून काय काय बदलणार?; A टू Z माहिती

आज महिन्याचा पहिला दिवस, आजपासून आर्थिक व्यवहारांमध्ये अनेक बदल होणार आहेत.

काही तुमच्या खिशाला परवडणारे, तर काही बदल तुमच्या खिशाला चाप लावणार आहेत.

त्यामुळे आजपासून झालेल्या बदलांचा परिणाम थेट सर्वसामान्यांच्या खिशावर होणार आहे.

आजपासून UPI संदर्भातील नवे नियम लागू होणार आहेत.

आजपासून गुगल पे, फोन पे, पेटीएम यूजर्स दिवसातून 25 वेळा बॅलन्स आणि ट्रांझॅक्शन हिस्ट्री पाहू शकतील .

UPI ऑटो पे सकाळी 10 पूर्वी, दुपारी 1 ते 5 आणि रात्री 9.30 नंतर होणार आहेत.

एका महिन्यात 10 वेळा चार्जबॅक रिक्वेस्ट करता येतील.

1 ऑगस्टपासून गॅस सिलेंडरचे दर बदललेत, प्रमुख शहरांमध्ये 19 किलो एलपीजी सिलिंडरच्या किमती 33-35 रुपयांनी घटलेत.

1 ऑगस्ट रोजी सीएनजी आणि पीएनजीच्या दरांतही बदल होण्याची शक्यता असून, याचा परिणाम वाहतूक खर्चावर होऊ शकतो.

11 ऑगस्टपासून स्टेट बँक ऑफ इंडियाच्या काही को-ब्रँडेड क्रेडिट कार्ड्सवरील अपघात विमा संरक्षण बंद होणार आहे.

आरबीआयची पतधोरण समिती 4 ते 6 ऑगस्ट दरम्यान बैठकीत रेपो रेटबाबत निर्णय घेणार आहे, याचा परिणाम ईएमआय आणि बचतीवर होऊ शकतो.

ऑगस्ट महिन्यात 15 दिवस बँका बंद राहतील. यात स्वातंत्र्य दिन, जन्माष्टमी, गणेश चतुर्थी, रविवारी आणि दुसऱ्या-चौथ्या शनिवारी सुट्ट्या असतील.

पीएम किसान सन्मान निधीच्या 20 व्या हप्त्याचे 2000 रुपये 2 ऑगस्टला 9 ते 10 कोटी शेतकऱ्यांच्या खात्यात जमा होणार आहेत.