आज, बॉलिवूडची ‘धकधक गर्ल’ माधुरी दीक्षित तिचा 54वा वाढदिवस साजरा करत आहे.

माधुरी 90च्या दशकातील बॉलिवूडची सर्वात मोठी सुपरस्टार होती.

1984 मध्ये राजश्री प्रॉडक्शन निर्मित 'अबोध' या चित्रपटातून माधुरीने चित्रपटसृष्टीत पदार्पण केले. पहिल्या चित्रपटाच्या वेळी माधुरी केवळ 17 वर्षांची होती.

माधुरीला 1988 मध्ये आलेल्या 'तेजाब' चित्रपटात काम करण्याची संधी मिळाली. या चित्रपटाने माधुरीच्या बुडत्या करिअरची दिशाच बदलून टाकली.

'तेजाब'चित्रपटामधील 'एक दो तीन' या सुपरहिट गाण्याने माधुरीने प्रेक्षकांच्या मनाला भुरळ घातली. या चित्रपटापासून तिच्या ‘धकधक गर्ल’ होण्याच्या प्रवासाला सुरुवात झाली.

'हम आपके है कौन'ची निशा असो किंवा 'साजन'ची पूजा असो, तिने प्रत्येक व्यक्तिरेखा अतिशय उत्तमपणे साकारली आहे.

1994 मध्ये सलमान खानसोबतच्या 'हम आपके है कौन' या चित्रपटासाठी तिचे मानधनही सलमान खानपेक्षा जास्त होते.

माधुरी दीक्षितने तिच्या आयुष्यात अनेकदा यशाची शिखरे पाहिली आहेत. या प्रवासामध्ये तिला पद्मश्री पुरस्काराने सन्मानित करण्यात आले आहे.

इतकेच नाही तर, एक-दोन नव्हे, तब्बल 6 वेळा ‘फिल्मफेअर पुरस्कारां’वर माधुरीने आपले नाव कोरले आहे. तर, 14 वेळा तिने या पुरस्कारांत नामांकन मिळवले आहे.

माधुरी दीक्षितने तिच्या आयुष्यात अनेकदा यशाची शिखरे पाहिली आहेत.