केंद्रीय आरोग्य मंत्रालयाच्या आकडेवारीनुसार, देशात 2 हजार 424 नवीन कोरोना रुग्णांची नोंद झाली असून 15 रुग्णांचा मृत्यू झाला आहे.

देशात काल 2 हजार 756 नवीन कोरोना रुग्णांची नोंद आणि 12 रुग्णांचा मृत्यू झाला होता.

देशात कोरोनाबाधित आणि मृत्यू या दोन्हींच्य संख्येत तुलनेनं घट झाल्याचं दिसून येतंय.

देशातील कोरोना रुग्णांच्या संख्येत 332 रुग्णांची घट झाली आहे.

देशात सध्या 28 हजारांहून अधिक कोरोना उपचाराधीन रुग्ण आहेत.

गेल्या 24 तासांत देशात 15 रुग्णांचा मृत्यू झाला आहे.

यामुळे देशातील एकूण कोरोनाबळींचा आकडा 5 लाख 28 हजार 814 वर पोहोचला आहे.

सध्या देशात 28 हजार 79 सक्रिय कोरोना रुग्ण आहेत.

देशातील कोरोना दैनंदिन पॉझिटिव्हिटी दर 2.65 टक्के आहे, तर आठवड्याचा सकारात्मकता दर 1.27 टक्के आहे.