प्रसिद्ध रॅपर बादशाह (Badshah) हा त्याच्या गाण्यांमुळे नेहमी चर्चेत असतो.

काही दिवसांपूर्वी बादशाहचं सनक हे गाणं रिलीज झालं.

सनक या गाण्यातील लिरिक्समुळे बादशाह हा वादाच्या भोवऱ्यात अडकला आहे.

आता या बादशाहनं एक पोस्ट शेअर करुन या चाहत्यांची माफी मागितली आहे.

बादशाहनं नुकतीच इन्स्टाग्रामवर एक पोस्ट शेअर केली. या पोस्टच्या माध्यमातून त्यानं चाहत्यांची माफी मागितली आहे.

पोस्टमध्ये त्यानं लिहिलं, 'माझ्या निदर्शनास आले आहे की माझ्या काही दिवसांपूर्वी रिलीज झालेल्या सनक या गाण्यानं काही लोकांच्या भावना दुखावल्या आहेत. मी कधीही जाणूनबुजून कोणाच्याही भावना दुखावणार नाही.'

'मी अत्यंत प्रामाणिकपणे आणि उत्साहाने माझी कलात्मक निर्मिती आणि संगीत रचना तुमच्यासमोर आणत आहे. मी माझ्या गाण्यांचे काही भाग बदलले आहेत. ' असंही बादशाहनं पोस्टमध्ये लिहिलं.

डीजे वाले बाबू, लाल गेंदा फूल, पानी पानी जुगनु, हाय गरमी, लेट्स नाचो या बादशाहच्या गाण्यांना प्रेक्षकांची पसंती मिळाली.

बादशाह हा सोशल मीडियावर अॅक्टिव्ह असतो. त्याच्या आगामी गाण्यांची माहिती तो सोशल मीडियाच्या माध्यमातून चाहत्यांना देतो.

बादशाहचा चाहता वर्ग मोठा आहे.