त्यापैकी सोनं हे लक्ष्मी देवीचं प्रतीक मानलं जातं.
त्यामुळेच अक्षय तृतीया, धनत्रयोदशी आणि दिवाळीसारख्या शुभ प्रसंगी सोने खरेदी करून त्याची पूजा करतात.
सोन्याची आवड महिलांइतकीच पुरुषांनाही असते. त्यामुळेच, शुभ प्रसंगी आपण सोन्याचे दागिने जसे की, सोन्याचा हार, अंगठी, बांगड्या परिधान करतो.
ज्योतिष शास्त्रानुसार, सोनं हे बृहस्पती (ज्युपिटर) ग्रहाशी संबंधित आहे. जे सुख, समृद्धी, वैभवाचं प्रतीक आहे.
जर एखाद्याचे सोनं गहाळ झाले, चोरीला गेले किंवा हरवले तर ते अशुभ मानले जाते.
सोनं हरवण्याचा अर्थ म्हणजे लवकरच आर्थिक संकट येण्याची शक्यता दर्शवते.
ज्योतिष शास्त्रानुसार, अशा प्रसंगी बृहस्पती ग्रहाची शांती करावी.
याशिवाय गुरुवारच्या दिवशी पिवळ्या वस्त्रांचे दान, हरभरा किंवा इतर शुभ वस्तूंचे दान करणे फायदेशीर ठरते.
तसेच गुरुवारच्या दिवशी लक्ष्मी आणि श्री विष्णूची पूजा केल्याने नकारात्मक ऊर्जा कमी होते.
त्याचबरोबर दररोज “ॐ बृं बृहस्पतये नमः” या मंत्राचा जप करावा.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही.)