Cricket News | मुंबईच्या पृथ्वी शॉचं विक्रमी द्विशतक, पुद्दुचेरीविरुद्ध 227 धावांची खेळी

मुंबईचा पृथ्वी शॉ हा वन डे सामन्यांच्या विजय हजारे करंडकात द्विशतक ठोकणारा चौथा भारतीय फलंदाज ठरला आहे. त्यानं पुद्दुचेरीविरुद्धच्या सामन्यात १५२ चेंडूंत नाबाद २२७ धावांची खेळी उभारून केरळच्या संजू सॅमसनचा नाबाद २१२ धावांच्या खेळीचा विक्रम मोडीत काढला. पृथ्वी शॉच्या नाबाद द्विशतकाला ३२ चौकार आणि पाच षटकारांचा साज होता.