TOP 70 : सकाळी 7 च्या 70 बातम्यांचा वेगवान आढावा : टॉप 70 न्यूज : 11 July 2024 : ABP Majha

पावसाळी अधिवेशनाच्या दुसऱ्या आठवड्याचा आज शेवटचा दिवस आहे. विधानपरिषदेत जनसुरक्षा विधेयकावरुन गदारोळ होण्याची शक्यता आहे. हे जनसुरक्षा विधेयक विधानसभेत एकमताने मंजूर झाले आहे. मुख्यमंत्री देवेंद्र फडणवीस यांनी विधानसभेत हे विधेयक मांडले. नक्षलवाद आणि शहरी नक्षलवादाचा बिमोड करणे हे या विधेयकाचे उद्दिष्ट आहे. महाराष्ट्रात कट्टर डाव्या विचारसरणीच्या चौसष्ठ संघटना गृह विभागाच्या रडारवर आहेत. जनसुरक्षा विधेयकाची अंमलबजावणी झाल्यावर महाराष्ट्रातील या चौसष्ठ संघटनांवर कारवाई होईल. जनसुरक्षा विधेयक आणणारे महाराष्ट्र हे पाचवं राज्य आहे. 'आपल्याला कोणतीही संधी नको, पण नक्षलवादाविरोधात काम करणाऱ्यांना भूत्ता द्या' अशी उपमुख्यमंत्र्यांकडे मागणी करण्यात आली. विधीमंडळाचं अधिवेशन अठरा जुलै पर्यंत चालणार असून, तारखेत कोणताही बदल केला जाणार नाही असा निर्णय कामकाज सल्लागार समितीच्या बैठकीत घेण्यात आला. माजी पोलीस आयुक्त परमवीर सिंग यांना सीबीआयकडून अग्रवाल खंडणी प्रकरणी क्लीन चिट मिळाली आहे. महाविकास आघाडी सरकारमध्ये असताना परमवीर सिंग आणि पाच पोलीस अधिकाऱ्यांवर गुन्हे दाखल करण्यात आले होते. शहापूरमध्ये मुलींना विवस्त्र करून मासिक पाळी आली की नाही याची तपासणी केल्याप्रकरणी मुख्याध्यापिकेसह तीन शिक्षक आणि एक महिला सफाई कामगाराला अटक करण्यात आली आहे. सगळ्यांना १५ दिवसांची न्यायालयीन कोठडी मिळाली आहे. शाळेची मान्यता रद्द करण्यासाठी देखील प्रयत्न करण्यात येणार आहेत. राज्य महिला आयोगाच्या अध्यक्ष रुपाली साकणकर आणि विधान परिषदेच्या उपसभापती नीलम गोहे यांनी या घटनेवर प्रतिक्रिया दिली. नाशिक मुंबई महामार्गावर मुंडेगाव फाट्याजवळ भीषण अपघात झाला असून, चारचाकी गाडीवर कंटेनर उलटल्याने चौघांचा मृत्यू झाला आहे. हे सर्व रहिवासी मुंबईच्या अंधेरी परिसरातील होते आणि गुरुपौर्णिमेनिमित्त ते एका मठात दर्शनासाठी गेले होते. याप्रकरणी पोलिसांनी कंटेनर चालकाला ताब्यात घेतले आहे. रील्ससाठी स्टंटबाजी करताना साताऱ्यातील एका तरुणाचा गाडीवरचा ताबा सुटला आणि तो थेट ३०० फूट खोल दरीत कोसळला. स्थानिक गुराखी आणि किंगमेकर अकॅडमीच्या विद्यार्थ्यांनी त्याला बाहेर काढल्याने त्याचा जीव वाचला.