Pune BJP: भाजप कार्यकर्त्यांवर गर्दी आणि गोंधळ घातल्याचा आरोप ABP Majha

भाजप नेते किरीट सोमय्या यांचा पुणे महापालिकेच्या पायऱ्यांवर सत्कारप्रकरणी भाजप कार्यकर्त्यांवर गुन्हा दाखल करण्यात आलाय... भाजपचे पुणे शहराध्यक्ष जगदीश मुळीक, नगरसेवक आणि भाजपच्या पदाधिकारी आणि कार्यकर्त्यांसह तीनशे जणांवर शिवाजीनगर पोलीस ठाण्यात गुन्हा दाखल करण्यात आलाय. मर्यादित लोकांनाच परवानगी दिली असताना मोठ्या संख्येने कार्यकर्ते जमवून, धक्काबुक्की करून गोंधळ घातल्याप्रकरणी हा गुन्हा दाखल करण्यात आलाय. दुसरीकडे सोमय्यांवर झालेल्या हल्ल्याप्रकरणी शिवाजीनगर पोलीस ठाण्यातील दोन पोलिसांवर निलंबनाची कारवाई करण्यात आली आहे.. पुण्यातील कोविड सेंटरमध्ये घोटाळा झाल्याची तक्रार करायला गेलेल्या सोमय्यांवर शिवसैनिकांनी हल्ला केला होता.. त्यावेळी सोमय्या महापालिकेच्या पायऱ्यांवर पडले होते.. त्याच पायऱ्यांवर भाजपच्या वतीने किरीट सोमय्या यांचा सत्कार करण्यात आला.