Pimpari Hoarding Accident : पिंपरीत भलं मोठं होर्डिंग कोसळलं, 4 ते 5 जण दगावल्याची माहिती

पिंपरी- चिंचवडच्या रावेत भागात होर्डिंग कोसळलं असून त्यालगत असणारं पंक्चरचे दुकान त्याखाली दबले गेले. त्यावेळी दुकानाजवळ सात ते आठ व्यक्ती होते. त्यातील 4 ते 5 जण दगावल्याची भीती व्यक्त केली जातीये. सोसाट्याचा वारा आणि पाऊस सुरू असताना ही दुर्घटना घडली. पावसामुळं काहीजणांनी पंक्चर दुकानाचा आडोसा घेतला होता. मात्र त्याचवेळी वाऱ्याच्या प्रचंड वेगामुळं होर्डिंग खाली कोसळलं आणि पंक्चर दुकान त्याखाली दबले गेले. यावेळी दुकानात उपस्थित असणाऱ्यांना गंभीर इजा पोहचली आहे. तर ४ ते ५ जण दगावल्याची भीती व्यक्त केली जातीये. काही वेळापूर्वी ही घटना घडली असून जखमींना रुग्णालयात दाखल करण्यात येत आहे.