Pune Election Ward : पुण्यातल्या प्रभाग पुनर्रचनेला भाजपचा आक्षेप, सरकारनं हस्तक्षेप केल्याचा आरोप

एकीकडे मुंबईत, नवी मुंबईतल्या प्रभाग रचनेबाबत भाजपनं आक्रमक भूमिका घेतलीय आणि तिकडे पुण्यातही नव्या प्रभाग रचनेवर भाजपनं नाराजी व्यक्त केलीय. नव्या प्रभाग रचनेमध्ये राज्य सरकारनं मोठ्या प्रमाणात हस्तक्षेप केल्याचा आरोप भाजपनं केलाय. पुण्यातल्या प्रारुप आराखड्यात पुण्याची ५८ प्रभागांमध्ये विभागणी करण्यात आलीय.. या प्रभागांमधून १७३ नगरसेवक निवडून जाणार आहेत.. या आराखड्याचं वैशिष्ट्य म्हणजे अनेक विद्यमान नगरसेवक या विकास आराखड्यानुसार एकाच प्रभागातून लढण्यासाठी इच्छुक राहण्याची शक्यता आहे. या आराखड्याविरोधात कायदेशीर लढाई लढण्याचं भाजप आणि मनसेनं जाहीर केलंय.. तर राष्ट्रवादीनं स्वबळाचा नारा दिलाय. राष्ट्रवादीच्या या भूमिकेमुळे काँग्रेस आणि शिवसेनेकडूनही प्रतिक्रिया येण्याची शक्यता आहे.