राष्ट्रपती राजवटीमुळे शेतकऱ्यांची आर्थिक मदत रखडल्याचं वृत्त एबीपी माझाने दाखवलं. त्याचीच दखल घेत राज्याचे माजी मुख्यमंत्री देवेंद्र फडणवीस यांनी राज्यपाल भगतसिंह कोश्यारी यांची भेट घेतली आणि मुख्यमंत्री सहाय्यता निधी कक्षाचं संचालन राज्यपाल कार्यालयातर्फे करण्याची विनंती केली. तर शिवसेना आमदार उदय सामंतांनी मुख्य सचिव अजॉय मेहता यांची भेट घेतली आणि मुख्यमंत्री सहाय्यता निधीअंतर्गत दिली जाणारी मदत पुन्हा सुरु केली जावी यासाठी निवेदन दिलं. आज दुपारी किंवा उद्या मदत पूर्ववत होईल, असं आश्वासन मुख्यसचिव अजॉय मेहता यांनी दिलं आहे, अशी माहिती उदय सामंत यांनी दिली आहे.