Sudhir Mungantiwar : चंद्रपूरमधून सुरु झालेल्या भाजपच्या दौऱ्याला पालकमंत्र्यांची अनुपस्थिती

भाजपच्या लोकसभा संपर्क यात्रेला आजपासून चंद्रपूरमधून सुरूवात झालीय. प्रदेशाध्यक्ष चंद्रशेखर बावनकुळे यांच्या उपस्थितीत या संपर्क यात्रेला सुरुवात झाली. पण या कार्यक्रमाला राज्याचे वनमंत्री आणि चंद्रपूर जिल्ह्याचे पालकमंत्री सुधीर मुनगंटीवार उपस्थित नसल्याने वेगळीच चर्चा सुरु झालीय. वास्तविक मुनगंटीवारांना या दौऱ्यात सहभागी होता यावे यासाठी दौऱ्याच्या तारखेत बदल केला होता. प्रत्यक्षात मुनगंटीवार शासकीय दौऱ्याच्या निमित्ताने आज पुण्यात होते. त्यामुळे नाराजी तर नाही ना, अशी चर्चा होतेय.