Sharad Pawar Maharashtra Political : शरद पवारच राहणार अध्यक्ष ? लवकरच होणार फैसला : ABP Majha

राष्ट्रवादी काँग्रेसच्या अध्यक्षपदी शरद पवारांचीच फेरनिवड होण्याची शक्यता असल्याची माहिती सूत्रांनी दिली आहे. राष्ट्रवादी काँग्रेसचा नवा अध्यक्ष निवडण्यासाठी आज सोळा सदस्यीय विशेष समितीच्या बैठकीचं आयोजन करण्यात आलं आहे. या बैठकीत राष्ट्रवादीच्या अध्यक्षपदासाठी सुप्रिया सुळे किंवा अजित पवार यांच्या पर्यायाची चर्चा एकीकडे सुरु आहे. पण प्रत्यक्षात शरद पवारांच्या खांद्यावरच अध्यक्षपदाची जबाबदारी पुन्हा देण्याचा प्रस्ताव या बैठकीत येऊ शकतो. हा प्रस्ताव सर्वसहमतीनं येण्याची शक्यता आहे. राष्ट्रवादीच्या कार्यकर्ते आणि नेत्यांसह विरोधी पक्षांमधल्या अनेक नेत्यांनीही शरद पवारांना लोकसभा आणि विधानसभा निवडणुकीपर्यंत अध्यक्षपदी कायम राहण्याची विनंती केली आहे. त्यामुळं शरद पवारांची राष्ट्रवादीच्या अध्यक्षपदी फेरनिवड झाली, तर सुप्रिया सुळे यांच्या नावाचा विचार नव्या पदासाठी होण्याची चिन्हं आहेत.