Thackeray family property : ठाकरे कुटुंबीयांच्या मालमत्तेविरोधात हायकोर्टात याचिका

Thackeray family property : माजी मुख्यमंत्री उद्धव ठाकरे आणि कुटुंबीयांनी बेहिशेबी मालमत्ता गोळा केल्याचा आरोप करत दादरमधील रहिवासी गौरी भिडे यांनी हायकोर्टात याचिका दाखल केलीय. या याचिकेवर न्यायमूर्ती एस. गंगापूरवाला आणि न्यायमूर्ती आर. एन. लढ्ढा यांच्या खंडपीठापुढे आज सुनावणी होणार आहे. मुंबई पोलिसांत तक्रार देऊनही कारवाई होत नसल्याचं सांगत आता ईडी आणि सीबीआयमार्फत चौकशी करण्याची मागणी गौरी भिडे यांनी याचिकेत केलीय. उद्धव ठाकरे यांची संपत्ती ही भ्रष्टाचार आणि गैरमार्गानं जमा केलेली बेहिशेबी मालमत्ता आहे, असा आरोप गौरी भिडे आणि त्यांचे वडील अजय भिडे यांनी याचिकेत केलाय.