BJP Vidhan Parishad Candidate List : भाजपच्या विधान परिषदेच्या उमेदवारांची नावं जाहीर, संदीप जोशी, संजय केनेकर, दादाराव केचेंना संधी
भाजपच्या विधान परिषदेच्या उमेदवारांची नाव जाहीर करण्यात आलेली आहेत. विधान परिषदेमध्ये भाजपच्या वाट्याला तीन जागा निश्चित आहेत. उद्या अर्ज भरण्याचा अखेरचा दिवस आहे आणि यामध्ये आता ही नाव जाहीर झालेली आहेत. यामध्ये संदीप जोशी, संजय केनेकर अशी ही नाव समोर आली आहेत.
हे देखील वाचा
Aurangzeb kabar: औरंगजेबाची कबर न हटवल्यास लाखोंच्या संख्येने संभाजीनगरला जाऊन कारसेवा करु; विश्व हिंदू परिषद, बजरंग दल आक्रमक
छत्रपती संभाजीनगर: मुघल शासक औरंगजेब आणि त्याच्या कबरीविषयी गेल्या काही दिवसांपासून, राजकीय नेत्यांकडून वादग्रस्त वक्तव्य केली जात आहेत. त्यातच आता भर पडलीय ती विश्व हिंदू परिषद (VHP) आणि बजरंग दलाची. औरंगजेबची कबर तातडीने हटवण्याची मागणी बजरंग दलाने केली आहे. यासंदर्भात तिथीनुसार उद्या शिवजयंतीच्या दिवशी औरंग्याची कबर (Aurangzeb kabar) हटाव मोहीम हाती घेण्यात येईल. औरंगजेबाची कबर न हटवल्यास, कारसेवा करु अशा इशारा बजरंग दलाकडून (Bajrang Dal) देण्यात आला आहे. शिवजयंतीला राज्यातील सर्व तहसीलदार, जिल्हाधिकारी कार्यालय येथे विश्व हिंदू परिषद आणि बजरंग दलाच्या वतीने राज्यव्यापी आंदोलनाचाही इशारा देण्यात आला आहे. त्यामुळे औरंगजेबाच्या मुद्द्यावरुन राज्यातील वातावरण पुन्हा तापण्याची शक्यता आहे.
औरंग्याची कबर महाराष्ट्रात काय भारतात कुठेही नको. राज्य सरकारने पुढील काळात केंद्र सरकारशी चर्चा करुन औरंगजेबाची कबर नियमानुसार काढावी. नाहीतर बजरंग दल कारसेवा करुन ही कबर काढून टाकेल. ज्यांनी ज्यांनी स्वत:च्या भावाला मारलं, बापाला मारलं, हजारो हिंदूंचं धर्मांतर केलं, त्याची कबर महाराष्ट्रात असणं हे दुर्दैव आहे. त्यामुळे राज्य सरकारने ही कबर काढून टाकावी. अन्यथा बजरंग दल लाखोंच्या संख्येने छत्रपती संभाजीनगरकडे कूच करेल. आम्ही राज्य सरकारला सांगून औरंगजेबाची कबर उखडून टाकू, असा इशारा विश्व हिंदू परिषद आणि बजरंग दलाकडून देण्यात आला आहे. या पार्श्वभूमीवर पोलीस सतर्क झाले आहेत.