Ashish Shelar : भाजप आणि शिंदे गटाच्या पदाधिकाऱ्यांची बैठक, मोदींच्या दौऱ्याच्या पार्श्वभूमीवर बैठक

पंतप्रधान नरेंद्र मोदी यांच्या मुंबई दौऱ्याच्या पार्श्वभूमीवर भाजप आणि शिवसेनेतल्या शिंदे गटाच्या पदाधिकाऱ्यांची बैठक वांद्रे कुर्ला संकुलातल्या एमएमआरडीए मैदानावर पार पडली.
आशिष शेलार, शीतल म्हात्रे, सुशांत शेलार यांच्यासह माजी नगरसेवक या बैठकीला उपस्थित होते. पंतप्रधान मोदी यांच्या १९ जानेवारीच्या मुंबई दौऱ्यात बीकेसीतल्या एमएमआरडीए मैदानावर त्यांची जाहीर सभा होणार आहे. या जाहीर सभेच्या तयारीसाठी भाजप आणि शिंदे गटाच्या पदाधिकाऱ्यांची संयुक्त बैठक एमएमआरडीए मैदानावर झाली.