ABP Majha Headlines 07:00 AM Top Headlines 01 July 2025 एबीपी माझा सकाळी 07.00 च्या हेडलाईन्स

शेतकरीविरोधी वक्तव्य करणाऱ्या कोकाटे आणि लोणीकर यांच्याविरोधात विरोधक आजही सरकारला धारेवर धरणार आहेत. विधानसभेत गदारोळाची शक्यता आहे. ठाकरे बंधूंनी भारतीय भाषांना विरोध केला असून इंग्रजीला पाय घड्या घातल्याचा आरोप देवेंद्र फडणवीस यांनी केला आहे. आदित्य आणि अमित ठाकरेंच्या बॉम्बे स्कॉटिश शाळेचा संदर्भ देत ठाकरे बंधूंवर फडणवीसांनी घणाघात केला. "कोणाचीही युती होवो अथवा न होवो, दबावाला बळी न पडता हिंदीबाबत निर्णय घेणार," असे सांगत सरकारी समितीला न झुमांडण्याचा इशारा देणाऱ्या राज ठाकरेंना फडणवीसांनी टोला लगावला. रवींद्र चव्हाण यांची भाजपाच्या प्रदेशाध्यक्षपदी अधिकृत घोषणा झाली असून ते आज पदभार स्वीकारणार आहेत. किरेन रिजीजू, देवेंद्र फडणवीस आणि चंद्रशेखर बावनकुळे यांच्या उपस्थितीत वरळीत भाजपाचा कार्यक्रम होणार आहे. मध्यरात्रीपासून होणाऱ्या संपातून School Bus मालक संघटनांनी माघार घेतली आहे. आज मुख्यमंत्र्यांसोबत संघटनांची चर्चा होणार आहे, तर अवजड वाहनं आणि खाजगी बस चालक संपावर ठाम आहेत. पंतप्रधान नरेंद्र मोदी आजपासून पाच देशांच्या दौऱ्यावर आहेत. ते घाना, त्रिनिदाद आणि टोबॅगो, अर्जेंटिना आणि नामिबियाला भेट देणार आहेत. तसेच BRICS शिखर परिषदेसाठी ब्राझीलचाही दौरा करणार आहेत. कोलकाता हायकोर्टाने क्रिकेटर मोहम्मद शमीला दणका दिला असून, पत्नी हसीन जहाँला दर महिन्याला चार लाख रुपये देण्याचे निर्देश दिले आहेत. बर्मिंगहॅममध्ये भारत विरुद्ध इंग्लंड दुसऱ्या कसोटीला आजपासून सुरुवात होणार आहे. इंग्लंड एक शून्यने आघाडीवर असल्यानं मालिकेत कमबॅक करण्याचं भारतासमोर मोठं आव्हान आहे.