Narhari Zirwal on Sandeep Gulve : नाशिक शिक्षक मतदारसंघात झिरवळांचा मविआच्या उमेदवाराला पाठिंबा

Narhari Zirwal on Sandeep Gulve : नाशिक शिक्षक मतदारसंघात झिरवळांचा मविआच्या उमेदवाराला पाठिंबा अजित पवार (Ajit Pawar) यांच्या राष्ट्रवादीचे ज्येष्ठ नेते आणि आमदार नरहरी झिरवाळ (Narahari Jhirwal) यांनी संदीप गुळवे (Sandip Gulve) यांना जाहीर पाठिंबा दिल्यानं सर्वांच्याच भुवया उंचावल्या आहेत. नरहरी झिरवाळ यांनी आपल्या सर्व कार्यकर्त्यांना संदीप गुळवे यांचं काम करण्याच्या सूचना दिल्या आहेत. तसेच, संदीप गुळवे यांना आपला जाहीर पाठींबा असल्याची घोषणाच नरहरी झिरवाळ यांनी केली आहे. तसेच, कौटुंबिक संबंधांमुळे संदीप गुळवेंना जाहीर पाठींबा देत असल्याचं नरहरी झिरवाळ यांनी जाहीर केलं आहे.  नरहरी झिरवाळ महायुतीचे आमदार आहेत. तर संदीप गुळवे ठाकरे गटाचे शिक्षक मतदार संघाचे उमेदवार आहेत. झिरवाळ यांच्या वाढदिवसानिमित्त संदीप गुळवे यांनी त्यांची भेट घेतली होती. त्यावेळी झिरवाळ यांनी गुळवेंना जाहीर पाठींबा दिला आहे. झिरवाळ यांच्याकडून संदीप गुळवे यांना आगळंवेगळं रिटर्न गिफ्ट मिळाल्यामुळे गुळवे आणि त्यांचे कार्यकर्त्यांमधील उत्साह वाढला आहे.