Shirdi Potholes | मंत्र्यांसाठी खड्डे बुजवले, जनतेसाठी कधी करणार? मनमाड-अहमदनगर रस्त्यावर खड्ड्यांचं साम्राज्य
Download ABP Live App and Watch All Latest Videos
View In Appमनमाड - अहमदनगर महामार्गाची गेल्या काही वर्षांपासून दुरावस्था झाली असून अनेक ठिकाणी भलेमोठे खड्डे पडले आहेत. शिर्डीला जोडणाऱ्या या रस्त्यावरून रोज हजारो वाहनांची वर्दळ बघायला मिळते मात्र खड्डयांमुळे वाहनचालकांना अक्षरशः जीव मुठीत धरून यावरून प्रवास करावा लागतोय. सत्ता बदलते, राजकारणी बदलतात, अधिकाऱ्यांचीही बदली होते मात्र हे रस्ते जैसे थे च राहतात. एकीकडे ही परिस्थिती असतांनाच दुसरीकडे नाशिक तालुक्यातील गंगापूर रोडची अशीच काहीशी अवस्था झाली होती, नागरिकांनी अनेक वेळा प्रशासनाकडे तक्रारी करून देखिल हे काम काही केल्या मार्गी लागत नव्हते मात्र रविवारी संध्याकाळी उपमुख्यमंत्री अजित पवार या मार्गावरून जाणार असल्याचं कळताच तातडीने दुपारपासून या मार्गावरील खड्डे बुजवले गेले त्यामुळे अजित दादांनी आता मनमाड - नगर महामार्गावरूनही प्रवास करण्याची गरज आहे.