Bulldozer Action: Satpur गोळीबार प्रकरणातील आरोपी, RPI जिल्हाध्यक्ष Prakash Londhe यांच्या Nashik मधील अनधिकृत बांधकामावर बुलडोझर!

नाशिकमध्ये (Nashik) गुन्हेगारी पार्श्वभूमी असलेल्या RPI पदाधिकारी प्रकाश लोंढे (Prakash Londhe) यांच्या अनधिकृत बांधकामावर बुलडोझर चालवून कारवाई करण्यात आली आहे. उत्तर प्रदेशचा 'योगी पॅटर्न' (Yogi Pattern) आता नाशिकमध्येही राबवला जात असून, गुन्हेगारी प्रवृत्तीच्या लोकांच्या मालमत्तेवर बुलडोझर चालवला जात असल्याचे प्रशासनाने म्हटले आहे. सातपूर गोळीबार (Satpur Firing Case) प्रकरणी अटकेत असलेले आरपीआय जिल्हाध्यक्ष प्रकाश लोंढे यांची नंदिनी नदीजवळची तीन मजली इमारत पूर्णपणे अनधिकृत असल्याची नोटीस महापालिकेने यापूर्वीच बजावली होती. पोलिसांच्या माहितीनुसार, या जागेचा वापर गुन्हेगारी कारवायांसाठी होत असल्याचा संशय होता. नाशिक महानगरपालिका आणि पोलीस प्रशासनाने संयुक्तपणे ही कारवाई केली. मात्र, प्रशासनाच्या कथित हलगर्जीपणामुळे शहरात अशी अनधिकृत बांधकामे उभी राहतात आणि गुन्हा घडल्यानंतरच कारवाई का केली जाते, असा सवाल या निमित्ताने उपस्थित झाला आहे.