Nandurbar Protest Violence |नंदुरबारमध्ये आदिवासी तरुणाच्या हत्ये प्रकरणी मोर्चाला हिंसक वळण, दगडफेक

नंदुरबार शहरातील सिंधी कॉलनीमध्ये सोळा तारखेला जय वडवी या आदिवासी तरुणाची हत्या झाली होती. या प्रकरणी सूर्यकांत मराठे या आरोपीला अटक करण्यात आली आहे. जय वडवीच्या हत्येचा निषेध करण्यासाठी आदिवासी संघटनांनी आज नंदुरबार बंदची हाक दिली होती. तसेच, एक मोर्चाही काढण्यात आला. मोर्चेकरी आरोपीला फास्ट ट्रॅक कोर्टात खटला चालवून फाशीची शिक्षा देण्याची मागणी करत होते. जिल्हाधिकारी कार्यालयाबाहेर मोर्चा आल्यानंतर काहीजण आक्रमक झाले. त्यांनी दगडफेक सुरू केली. पोलिसांच्या गाड्यांची तोडफोड करण्यात आली. शहरात तणावपूर्ण परिस्थिती निर्माण झाली होती. आदिवासी संघटनांनी न्याय मिळवण्यासाठी तीव्र आंदोलन केले. या घटनेमुळे नंदुरबारमध्ये कायदा आणि सुव्यवस्थेचा प्रश्न निर्माण झाला आहे.