Nagpur Crime News : चोर समजून जमावानं केली मारहाण, पोलीस ठाण्यात नेताच तरुणाचा मृत्यू

नागपूरच्या कामठीमध्ये जमावाने चोर समजून मारहाण केलेल्या तरुणाचा मृत्यू झालाय. कामठी शहरात फुटाणा ओळीमध्ये एका दुचाकीजवळ उभ्या असलेल्या तरुणाला स्थानिकांनी चोर समजले आणि मारहाण केली. त्यानंतर त्या तरुणाला पोलिसांच्या स्वाधीन केले. पण जुनी कामठी पोलीस ठाण्यात येताच तो तरूण अचानक कोसळला आणि त्याचा मृत्यू झाला. नासिर ऊर्फ गब्बर असं या तरुणाचं नाव आहे. कामठी शहरात दुचाकी चोरीच्या घटनांमध्ये वाढ झालीय.  त्यामुळे बाजारात दुचाकी जवळ उभ्या असलेल्या अनोळखी तरुणाला पाहून काहींना तो चोर वाटला आणि त्यांनी मारहाण केली.