Nagpur Gangster Abu Khan : नागपुरात कुख्यात गुडांचं अवैध बांधकाम पाडलं, नागपूर मनपाची धडक कारवाई

बातमी नागपूरमधून.. कुख्यात गॅंगस्टर आबू खान आणि त्याच्या नातेवाईकांची ताजबाग परिसरातील ११ अनधिकृत घरं रविवारी महापालिकेच्या पथकाकडून तोडण्यात आली. पोलीस संरक्षणात दुपारपासून सुरू झालेली कारवाई संध्याकाळ पर्यंत सुरू होती. अबू खान नागपूरचा कुख्यात गुंड असून तो अमली पदार्थांच्या तस्करीमध्ये त्याचा सातत्याने सहभाग राहिलेला आहे. ताजबाग परिसरात त्याने आणि त्याच्या काही नातेवाईकांनी सरकारी जमिनीवर अवैध बांधकामं करून घरं आणि दुकानं बांधली होती. रविवारी जिल्हाधिकारी यांच्या परवानगीने नागपूर महापालिकेनं ही सर्व अवैध बांधकामं जमीनदोस्त केली.